Aloqa tugunida jangovar navbatchilik o‘tashni tekshirish
Navbatchi smena shaxsiy tarkibining ATda jangovar navbatchilik o‘tashini tekshirish jangovar navbatchilikni o‘tashda bo‘ladigan xato va kamchiliklarni aniqlash va oldini olish, shuningdek amaldagi aloqa jangovar tayyorligini nazorat qilish maqsadida o‘tkaziladi.
Jangovar topshiriqni o‘tashni tekshirish aloqa boshlig‘i tomonidan hamda uning topshirig‘iga ko‘ra AT boshlig‘i, uning navbatchi yordamchisi, shuningdek aloqa tuguni elementlari boshliqlari, AT elementlari navbatchilari tomonidan amalga oshiriladi.
Aloqa tuguni boshlig‘i ATdagi jangovar navbatchilikni kamida uch oyda bir marotaba, aloqa tuguni elementlari boshliqlari esa - kamida bir oyda bir marotaba shaxsan tekshirishlari zarur.
Aloqa tuguni boshlig‘ining navbatchi yordamchisi va AT elementlari navbatchilari AT navbatchi smenasi shaxsiy tarkibining jangovar navbatchilik o‘tashni navbatchilik vaqtida kamida ikki marotaba (undan kamida bir marta kechasi) tekshirishlari zarur.
ATda jangovar navbatchilik o‘tashda quyidagilar tekshiriladi:
axborotning tasdiqlangan nazorat vaqtlarida o‘tishiga va jangovar post navbatchi qisoblari (JPNH) nomerlari tomonidan qayta ishlash sifatiga rioya qilish;
muhim yo‘nalishlarda aloqaning holati va ish sifati;
navbatchi smena tarkibi va tasdiqlangan hisobga mosligi;
tezkor-texnik hujjat bo‘yicha belgilangan hujjatlarning mavjudligi va ularni olib borish sifati:
JPNH nomerlarining aloqa o‘rnatish va axborot o‘tkazish bo‘yicha vazifalarini bilishi, shuningdek, aloqa tugunini (AT elementini) jangovar tayyorgarlikning belgilangan darajalarga keltirilishida va favqulodda vaziyatlarda aniq majburiyatlarini va harakatlarini (vaqt ko‘rsatkichlari bilan) bilishi;
aloqa o‘rnatish bo‘yicha alohida operatsiyalarni bajarish va aloqa apparatura (vosita)larida ishlash bo‘yicha amaldagi normativlarni bilish;
jangovar post navbatchisi hisob nomerlari tomonidan o‘zlariga yuklatilgan vazifalarni to‘liq va sifatli bajarish;
JPNH nomerlari tomonidan buzilgan aloqalarni tiklash bo‘yicha harakatlari;
navbatchi smena shaxsiy tarkibinnng aylanma aloqa yo‘nalishlarini bilishi va ular orqali aloqani ta’minlay olishlari;
jangovar post navbatchi hisob nomerlari aloqa apparaturalari (vositalar) va kanallari (liniyalari)ning ko‘rsatkichlari uchun belgilangan me’yorlarni bilishi;
navbatchi smena shaxsiy tarkibi tomonidan reglament ishlarining sifatli bajarilishi;
jangovar post navbatchi hisob nomerlari tomonidan texnika xavfsizligi va yong‘in xavfsizligi qoidalariga rioya qilish, aloqa xavfsizligini ta’minlash va maxfiylik rejimiga rioya qilish talablarining bajarilishi;
zaxira aloqa vositalari (apparaturalari) va kanallari (liniyalari), zaxira elektr ta’minot va yorug‘likning mavjudligi va ishlatishga tayyorligi;
navbatchi smena shaxsiy tarkibining aloqa tuguni (AT elementlari)ni qo‘riqlash va mudofaasi bo‘yicha harakatlarni bilishi;
individual himoya vositalarining mavjudligi va sozligi;
ehtiyot qismlar va anjomlar EQA (ZIP), asbob-uskunalar va o‘lchash asboblarining mavjudligi va tarkibi;
harbiy xizmatchilarning tashqi ko‘rinishi;
aloqa tuguni jangovar postlari, xonalari (apparatxonalari)ni yaratish va tozalik va tartibga rioya qilish.
Navbatchi smena shaxsiy tarkibining jangovar navbatchilikni tekshirish natijalari jangovar navbatchilikni tekshirish jurnali (daftari)ga yoziladi, bunda tekshirish sanasi va vaqti, tekshiruvchining mansabi va harbiy unvoni, ismi-sharifi, kamchiliklar (yo‘qotish muddatini ko‘rsatish bilan) o‘z aksini topadi.
Do'stlaringiz bilan baham: |