Muxammad al-xorazmiy nomidagi toshkent axborot texnologiyalari universiteti samarqand filiali abdukarimov a., Kubayev s. T

OSI modeli asosida Kompyuter tarmoqlarni qurish.
OSI modeli faqat operasion tizim, tizim utilitlari va tizim apparat vositalari ishlatadigan o’zaro aloqa tizimi vositalarini bayon etadi. Model kompyuterning o’zida tizim vositalari asosida har xil o’zaro ishlash protokollariga ega bo’lishi mumkin bo’lgan oxirgi foydalanuvchilarning amaliy masalalarni o’zaro ishlash vositalariga ega emas. Aynan, dasturchilar uchun amaliy dasturiy interfeys (Application Program Interface, API) taqdim etiladi.
A bog’lama (1- kompyuter) va V bog’lama (2-kompyuter) orasida o’zaro ishlash qoidalarini ko’rib chiqamiz.
1-kompyuterning A holati amaliy pog’onaga (7) so’rov bilan, masalan, faylli xizmatga (TCP/IP stekdagi FTP protokol) murojaat qiladi. Bu so’rov asosida amaliy pog’onaning dasturiy ta’minoti standart formatdagi xabarni shakllantiradi va uni keyingi past taqdim etish (6) pog’onasiga yo’naltiradi. Taqdim etish protokoli 7 pog’ona xabari sarlavhasidan olingan axborot asosida talab qilingan harakatlarni bajaradi va olingan xabarga o’zining xizmat axboroti-taqdim etish pog’onasi sarlavhasini qo’shadi, unda V mashinaning (2-kompyuteri) 6 taqdim etish pog’onasi protokoli uchun ko’rsatma mavjud. Natijada olingan xabar past 5 seans pog’onasiga uzatiladi, u o’z navbatida 6 pog’ona ko’rsatmasini bajaradi va xabarga o’zining sarlavhasini qo’shadi (protokollarni ba’zi ishlatilishlarida barcha pog’onalarga sarlavhadan tashqari, tugash bitlari ham qo’shiladi).
Fizik pog’ona apparaturasi xabarni 1-kompyuterning chiqish interfeysiga joylashtiradi va u aloqa kanali bo’yicha 2-kompyuterga jo’natiladi. 2-kompyuter o’zining fizik pog’onasiga olib, uni 2-yuqori pog’onaga va keyin barcha pog’onalarga o’tkazadi. Har bir pog’ona o’z pog’onasining sarlavhasini tahlil qiladi va qayta ishlaydi, mos vazifalarni (funksiyalarni) bajaradi, bu sarlavhani chiqarib tashlaydi va yuqorida joylashgan pog’onaga xabarni uzatadi. Jarayon teskari tartibda boradi, jo’natish manzili kompyuter xabarlarini jo’natuvchi kompyuter o’xshash pog’onalaridagi kabi harakat iyerarxiyasining har bir qadamida zarur. Shunday qilib, har bir o’zaro ishlaydigan kompyuterlarning bitta pog’onalari to’g’ridan – to’g’ri ishlamaydi, ular pastdagi pog’onalar protokollari orqali aloqa qiladi. Aloqa kanali bo’yicha to’g’ridan – to’g’ri faqat fizik pog’onalar o’zaro ishlaydilar.

Uzatiladigan ma’lumotlarning protokol birliklariga (Protocol Data Unit, PDU) xabar, paket, deytagramma, segmentlar kiradi. Alohida pog’onalarning o’zaro ishlash tartibi va vazifalarini atroflicha ko’rib chiqamiz.