Muvaffaqiyat Omad va muvaffaqiyat sirlari Dunyoning eng buyuk savdogari og mandino

Men harakatni boshlayman.
Men harakat qilishdan qo'rqar edim va shuning uchun 
sustkashlik qilar edim. Endi esa mard odamlarning yuragiga olib 
boradigan sirli yo'lakni topdim. Qo'rquvni yengish uchun 
ikkilanmasdan harakat qilish kerak ekan va shundan keyin yurak 
botir bo'ladi. Kattaligi arslonday keladigan qo'rquvni, harakat 
kichkina chumoliga aylantiradi. 
Men harakatni boshlayman.
Bundan keyin men yaltiroq qo'ng'izning sabog'ini unutmayman. 
Yaltiroq qo'ng'iz faqat uchayotgan vaqtida tovlanadi. Men yaltiroq 
qo'ng'izga aylanaman va mening nurlanishim hatto kunduzi, 
quyosh nurida ham namoyon bo'ladi. Mayli boshqalar chiroyli 
qanotli kapalak bo'lsinlar, ammo ularning hayoti gulning 
sahiyligiga bog'liq. Men esa yaltiroq qo'ng'iz bo'laman. 
Va mendan taralayotgan nur olamni yoritadi. 
Men harakatni boshlayman.
Men bugungi ishni ertaga qoldirmayman, chunki erta hech 
qachon kelmaydi. Mening harakatlarim omad va natija keltirmasa 
ham men baribir harakatkanaveraman. Mayli men harakatlarim 
natijasida omadsizlikka uchray va xatolarga yo'l qo'yay. Bu 

---

71 
harakatsizlikdan ko'ra yaxshiroqdir. Men harakatlarim evaziga 
baxtli bo'la olmasligim mumkindir, lekin men ishlamasam 
uzumzordagi barcha hosil nobud bo'lishi mumkin.
Men harakatni boshlayman.
Men hoziroq harakat qilaman, harakat qilaman, harakat 
qilaman. Men bu so'zlarni qayta-qayta takrorlayveraman, har 
soatda har kuni tinmasdan. 
Bu so'zlarni aytish menga nafas olishdek tabiiy bo'ladi va 
bundan keyingi harakatlarim huddi ko'z ochib yumganday odatiy 
holga aylanadi. Omadsiz odamlar inkor qiladigan taklifni men 
qabul qilaman.
Men harakatni boshlayman.
Men bu so'zlarni qayta qayta takrorlayveraman. Uyg'ongan 
zahotimoq men bu so'zlarni aytaman. Dangasa hali uxlagan 
paytda men to'shakdan turib ketaman.