Muvaffaqiyat Omad va muvaffaqiyat sirlari Dunyoning eng buyuk savdogari og mandino

Omadsizlik - bu maqsadlar qanday bo'lishidan qatiy nazar, 
oldiga qo'yilgan maqsadga erisha olmaslik. Omadli va omadsiz 
odamlarning orasida faqat bitta farq bor - bu ularning odatlari. 
Yaxshi odatlar bu muvaffaqiyat eshigining kalitidir, Yomon odatlar-
bu mag'lubiyatga eltadigan ochiq eshikdir. Shuning uchun men quyidagi 
qonunga bo'ysunaman. Men yaxshi odatlarni o'rganaman va ularning 

---

40 
quli bo'laman. Bola bo'lganimda men hissiyotlarim hukmi ostida 
bo'lganman hozir esa hamma bo'yga yetgan insonlardek odatlarim 
quliman. Men ko'p yillar davomida qancha odatlarga ega bo'ldim va bu 
harakatlarim meni daxshatli kelajak sari yetaklay boshladi. Mening 
harakatlarimni quyidagi zolimlar boshqara boshladi: bo'yin egish, 
ochko'zlik, noto'g'ri baho berish, qo'rquv, shaxvatparastlik atrofdagi 
muhit va odatlar. Bular ichidagi eng daxshatlisi bu odatlar. Demak agar 
men odatlarimning quli bo'lsam - yaxshi odatlarning quli bo'lay. 
Shuning uchun yomon odatlarimni ildizi bilan sug'urib tashlab, yaxshi 
odatlar uchun joy tozalashim kerak. Men yaxshi odatlarni o'rganaman va 
ularning quli bo'laman. Bu ishni qanday amalga oshirish kerak? 
Qo'limdagi o'ramalar menga bu ishda yordam beradi. Bu o'ramalarning 
har birida shunday ajoyib qoida bor-ki ular menga yomon odatlardan 
qutulib, yaxshi odatlar va g'alaba tomon yetaklaydi. Niyatlarimga yetish 
uchun qo'llaydigan eng birinchi yaxshi odatlim quyidagicha:
Men har bir o'ramani 30 kun davomida o'qiyman va shundan 
keyingina ikkinchisiga o'taman. Birinchi marta men ertalab 
o'qiyman, so'ngra tushdan keyin(bu paytda ichimda) va uxlashdan 
oldin o'qiyman (ovoz chiqarib). 30 kun davomida bu ishni 
takrorlayman va bu narsa mening odatimga aylanadi.
Men bu ish bilan nimaga erishaman? Odamzodga omad keltiruvchi sir 
xuddi shu ishning zamirida yashiringan. Men bu matnni o'qiyvergan 
sayin misralar mening ongimga singib ketaveradi va men o'zim 
sezmagan xolda omad sari yetaklovchi harakatlar qilishni boshlayman. 
Mening ongim bu dono so'zlarni singdirib olgandan keyin, har ertalab 

---

41 
men shunday shijoat va kuch bilan uyg'onamanki, bu hislatlar avval 
menda yo'q edi. Men kundan kunga g'ayratli va shijoatli bo'laveraman. 
Avvallari mening irodamni bukadigan qo'rquvlardan halos bo'laman. 
Men bu yovuz va g'amxona dunyoda baxtli bo'lishni o'rganaman. Men 
har bir sharoitda, o'ramalarda ko'rsatilgandek o'zimni tutaman va bu ish 
menga endi mashaqqatli tuyulmaydi, chunki bu odatlar mening qonimga 
singib ketgan bo'ladi. Shu harakatlarim natijasida yangi va ijobiy 
odatlarim dunyoga kela boshlaydi. Har bir harakat qayta-qayta 
takrorlansa, oson va yoqimli ishga aylanadi. Har qanday yoqimli ishni 
esa odam yana- yana takrorlagisi keladi. Oqibatda bu harakatlar men 
uchun yaxshi odatga aylanadi, men esa odatlarim quliga aylanaman. Bu 
mening istagim. Bugun men yangi hayot boshlayman. Men o'z oldimda 
qasamyod qilaman: Mening yangi hayotimning oqimiga hech narsa 
halal bera olmaydi!". Men biror kunimni o'qimasdan o'tkazmayman, 
chunki bu kun qaytib kelmaydi. Men har kuni o'ramalarni o'qish 
odatimni tark etmayman. Chunki bu bir necha daqiqalik mehnatim 
menga omad va baxt keltiradi. Men o'ramalarni o'qiyotgan paytimda 
satrlarni tashlab o'qimayman, bu oddiy so'zlarga yengiltaklik bilan 
qaramayman. Bir ko'za sharbat tayyorlash uchun necha ming dona 
uzumni siqadilar, po'sti va qoldiqlarini esa qushlarga tashlaydilar. Xuddi 
shu ish donishmandlik bog'ida ham amalga oshiriladi. Keraksiz so'zlar 
shamolda uchurilib, har biri oltinga teng dono hikmatlar qolgan. Men bu 
ilm sharbatining bir tomchisini ham yerga to'kmasdan, simiraman va 
omad urug'lari mening yuragimga qadaladi. Bugun mening eski terim 
kulga aylanadi. Men yangi hayot sari qadam bosayotgan yangi 
odamman. 

---

42