МувақҚат низом 1-боб. Умумий қоидалар

4-боб. Олимпиадани ўтказиш босқичлари ва тартиби
4.1. Олимпиадани ташкил этиш ва ўтказиш икки босқичда:
а) биринчи босқичи ўқув йилининг март-апрель ойларида барча ОТМларда пандемия шароитидан келиб чиқиб;
б) иккинчи республика босқичи жорий йилнинг 28 майига қадар ўтказилади.
4.2. Олимпиаданинг биринчи босқичи юқори савияда ўтказилишига шахсан ОТМ ректори (филиал директори, ҳарбий ОТМ бошлиғи) масъул ҳисобланади.
4.3. Олимпиаданинг биринчи босқичини ўтказиш учун ОТМда жамоатчилик асосида Ташкилий қўмита тузилади. Таркиби ректор буйруғи билан тасдиқланади ва қуйидаги шахслардан иборат бўлади:
Ректор (Раис);
Илмий ишлар ва инновациялар бўйича проректор (Раис ўринбосари);
Иқтидорли талабалар билан ишлаш бўлими бошлиғи (Масъул котиб).
Аъзолари:
Ёшлар билан ишлаш бўйича проректор;
Ўқув ишлари бўйича проректор;
ОТМ “Ўзбекистон ёшлар иттифоқи” бошланғич ташкилоти вакили;
Факультет деканлари, ОТМнинг етакчи олимлари ва мутахассислари.
4.4. Олимпиаданинг биринчи босқичида 1- ва 2-ўринни эгаллаган талабалар Олимпиаданинг иккинчи республика босқичида иштирок этиш ҳуқуқига эга бўлади.
4.5. Олимпиаданинг иккинчи республика босқичида иштирок этувчи талабалар Олимпиадани ташкил этиш юзасидан Вазирликнинг тегишли буйруғи қабул қилингандан сўнг уч ҳафта ичида вазирликнинг olimpiada.edu.uz портали орқали танлаган фани бўйича электрон рўйхатдан ўтадилар.
4.6. Олимпиада ўтказиладиган фанни ҳусусияти ҳамда мазкур фанлар бўйича рўйхатдан ўтган талабалар сонидан келиб чиққан ҳолда, олимпиаданинг иккинчи республика босқичини ўтказиш санаси ва вақти бўйича жадвал шакллантирилади ва Олимпиадани ташкил этиш юзасидан Вазирликнинг тегишли буйруғи қабул қилингандан сўнг учинчи ҳафтасида olimpiada.edu.uz порталига жойлаштирилади.
4.7. Электрон рўйхатдан ўтган талабаларни шахсини ва ушбу низомнинг 4.4-банди талабларига мослигини тақсдиқлаш ишлари ОТМлар томонидан электрон рўйхатдан ўтиш якунлангандан сўнг икки иш куни ичида амалга оширилади.
4.8. Талабалар танлаган фанлари бўйича олимпиадани ўтказиш санаси
ва вақти бўйича жадвал асосида olimpiada.edu.uz порталига киришлари лозим бўлади ҳамда уларга 60 дақиқа вақт берилади, шу вақт ичида улар тегишли йўналишларнинг фанлари бўйича масъул ОТМ томонидан белгиланган
(25-50 та) тест топшириқларига жавоб беришлари лозим.
Марказ билан келишилган ҳолда тегишли ОТМлар томонидан онлайн ижодий иш топшириқлари ўтказиладиган фанлар бўйича дастур, баҳолаш мезонлари ҳамда ўтказиш тартиби тасдиқланади ва olimpiada.edu.uz портали орқали эълон қилади.
4.9. Олимпиаданинг иккинчи республика босқичида ўтказилган фанлар бўйича тест натижалари онлайн, ижодий иш шаклидаги топшириқлар натижалари эса масъул ОТМлар томонидан 24 соат ичида тақдим этилган маълумотлар асосида olimpiada.edu.uz портали орқали эълон қилади.
4.10. Олимпиада натижалари эълон қилингандан сўнг 24 соат ичида тушган ёзма шикоят ва аризалар тегишли ташкилий қўмита томонидан онлайн ёки телефон алоқаси орқали ҳал этилади ёки тушунтириш берилади.
4.11. Олимпиада иштирокчиларининг ахборот-коммуникация технологияларининг имконияти ва қурилмаларидаги техник носозликлар бўйича шикоят ва аризалар кўриб чиқилмайди.
4.12. Олимпиадани ўтказиш жараёни ва натижалари тўғрисидаги маълумотлар Ўзбекистон Миллий телерадиокомпанияси, оммавий ахборот воситаларида ҳамда Вазирлик, ОТМ расмий веб-сайтларида ёритилади.