Mutaxassislikka kirish

Aralash  ansambllarni bir turdagi ansambllarga moslashtirish 

To‘rt ovozli aralash ansamblni to‘rt ovozli bir turdagi ansamblga 

moslashtirishda ansambl fakturasini to‘liq saqlab qolish mumkin. Bunda asar 

tanlashga alohida e’tibor bermoq darkor. Chunki aralash ansamblning pastki 

registrlari ayollar ansambli diapazoniga to‘g‘ri kelmasligi mumkin. 

Ansambl ovozlarini transportlash moslashtirish kabi amalga oshiriladi. To‘rt 

ovozli aralash ansamblni to‘rt ovozli bir turdagi ansamblga moslashtirish lozim. 

Transportlash hollarida fakturani saqlab qolish akkord turlarini, akkordlar 

joylashuvini, ovoz yo‘nalishini saqlash demakdir. 

Akkordlar joylashuvini o‘zgartirish aralash ansamblni moslashtirish usulining 

asosiy mohiyatini tashkil etadi. Ikkita o‘rta ovozni joylashtirishda I erkaklar 

ovozi o‘zining tabiiy diapazonidan nisbatan yuqori yoki past bo‘lishi mumkin. 

Agar bu birinchi holatda kuyni zaruratsiz o‘zgartirishga olib kelsa, ikkinchi 

vaziyatda akkord turining o‘zgarishiga olib keladi. Bu holatda I erkaklar ovozi 

partituradan chetlashtiriladi. 

Ko‘p ovozli aralash ansamblni to‘rt ovozli bir turdagi ansamblga 

moslashtirishning murakkabligi, o‘rta ovozlarda ohang tuzilishi va yo‘nalishini 

saqlab qolishga intilish, aralash ansamblning ko‘p ovozli partiturasida asosiy 

ovozni tanlay bilish qayta ishlash jarayonida asarning asl ko‘rinishini saqlab 

qolishning muhim shartlaridan biri hisoblanadi.