Mutaxassislikka kirish-2019 Uslubiy ko'rsatma doc

14-MAVZU: MUHIM TARIXIY BIBLIOGRAFIYALAR. 
Reja 
1. Tarixiy bibliografiyalar tahlili 
2. Bibliografyaning turlari 
3. Muhim tarixiy adabiyot tahlili 
Darsning maqsadi: Talabalarda muhum tarixiy bibliografiyalar haqida 
yangi bilim va ko’nikmalar xosil qilishni ko’zda tutadi. 
E’tibor bering:
Muhim tarixiy bibliografiya tuzishda O`zbekiston 
Respublikasi davlat Kitob palatasi tomonidan chiqarilgan qo`llanmalar ham rol’ 
o`ynaydi. Ushbu qo`llanmalarda respublikada chiqqan adabiyotlar va maqolalar 
ko`rsatilgan. 
Shuningdek, “O`zbekiston 
SSR kitoblarining 
yilnomasi” 
ko`rsatkichining ko`plab jildlarida sovet hokimiyati yillarida chop eilgan kitoblar 
nomi qayd etilgan. Bundan tashqari, O`zbekiston tarixiga oid maxsus bibliografik 
qo`llanmalar ham mavjud. Xususan, tarixning barcha asosiy muammolari 
yuzasidan tavsiya etiladigan tarixiy adabiyotlarning bibliografik ro`yxatlari e`lon 
qilingan. Bularni kutubxonalarning bibliografiya bo`limlariga murojaat qilib topish 
mumkin.
Muhim tarixiy bibliografiya tuzishda tadqiqotchilar uchun Alisher Navoiy 
nomidagi O`zbekiston Milliy kutubxonasi tomonidan O`zbekistonning qadimgi 
zamondan boshlab, XX asr 60-yillari oxirigacha bo`lgan tarixi bo`yicha “История 
Узбекистана. Ч. I, II. Указатель Советской литературы” (tegishli qismlari 1967, 
1969 yy. Toshkentda nashr etilgan – mualliflar) kitobi muhim ahamiyatga ega. 
Umuman olganda, 1953 yildan boshlab, O`zbekistonda chop etilgan 
adabiyotlarning yillik bibliografik ko`rsatkichlari e`lon qilina boshlagan. 
Shuningdek, “O`zbekistonda ijtimoiy fanlar” jurnalida O`zbekiston tarixi bo`yicha 
chiqqan adabiyotlarning yillik ro`yxati e`lon qilib boriladi. 
Muhim tarixiy bibliografiya tuzayotgan tadqiqotchi O`zbekistonda 
chiqayotgan “O`zbekiston tarixi”, “Ijtimoiy fikr. Inson huquqlari” kabi jurnallarni 
ham ko`rib chiqsa foydadan xoli bo`lmaydi. Chunki yuqorida nomi qayd etilgan 
jurnallardagi ham ilmiy maqolalar Vatanimiz, jahon tarixiga oid tegishli 
mavzularni yoritishda yordam berishi mumkin. Bundan tashqari tadqiqotchi-talaba, 
o`z mavzusiga oid bibliografiya tuzishda nashriyotlarning yillik rejalari bo`yicha 
chop etilgan risolalar ro`yxati bilan kitob do`konlari orqali ham tanishishi mumkin.

---

33