Mutaxassislikka kirish-2019 Uslubiy ko'rsatma doc

 
18-MAVZU: ISHGA QO’SHIMCHA ILOVA 
Reja 
1. Ishga qo’shimcha ilova 
2. Ilova shakillantirishning tartiblari 
3. BMIda ilovaning asosiy vazifalari 
Darsning maqsadi: Talabalarda bitiruv malakaviy ishiga ilova qo’shish 
haqida yangi bilim va ko’nikmalar xosil qilishni ko’zda tutadi. 
E’tibor bering : Ilmiy tadqiqotchi o`z oldiga aniq maqsadni qo`yib, uning 
echimi bo`yicha tegishli tayyorgarlik ishlarini olib borishi kerak. Tayyorgarlik 
ishlari quyidagi yo`nalishlarda amalga oshgan bo`lishi lozim: mavzuga oid 
kengaytirilgan ish reja tuzilgan va ilmiy rahbar tasdig`idan o`tgan bo`lishi kerak; 
mavzuga oid yig`ilgan materiallarni qayta ishlashdan avval, adabiyot va 
manbalarni saralab, ulardan qaysi biri dastlab va qaysilari keyingi ketma-ketlikda 
o`rganilishini aniqlab, tizimga solib olish zarur; mavzuga oid tadqiqot 
materiallarini «manbalar», «adabiyotlar», «hujjatlar» kabi yo`nalishlarda, 
xronologik ketma-ketlik asosida, muammoli yondashuv bo`yicha, bob, bo`lim va 
paragraflarga bo`lingan holda, mintaqasiga, tiliga, mualliflariga, kontseptsiyasiga 

---

42 
bog`liq ravishda ajratib olish kerak; tadqiqotda dastlab adabiyotlarni, keyin chop 
etilgan hujjatlarni, undan so`ng chop etilmagan va o`z navbatida ilmiy muomalaga 
kiritilmaganlarni tahlil qilishdan boshlagan holda, arxeologiya, etnologiya, 
manbashunoslik yo`nalishlarida dastlab manbalar, dala yozuvlari, ekspeditsiya 
materiallarini o`rganishdan boshlagan maqsadga muvofiq; keyingi o`rganish eng 
yangi tadqiqotlar va unga yaqin ilmiy izlanishlar tahliliga qaratilishi lozim. Chunki 
bu hozirgi davrda ushbu tadqiqot mavzusi qanday o`rganilayotgani darajasi, qaysi 
manbalarni ilmiy muomalaga kiritilgani to`g`risida ma`lumot beradi. 
Yuqorida qayd etilgan vazifalar amalga oshirilgandan keyin tadqiqotchi 
oldida qayta ishlangan adabiyot va manbalarni ilmiy ishning loyiha rejasi bo`yicha 
ajratib chiqish mumkin bo`ladi. Bu esa ilmiy tadqiqot tuzilishi bo`yicha bevosita 
ish boshlash imkoniyatini beradi. Natijada, qaysi bob, bo`lim va paragraflar 
bo`yicha tadqiqotga oid materiallar etarli yoki etarli emasligi ma`lum darajada 
ko`zga tashlanadi. Tadqiqot mavzusi, rejasidan kelib chiqib, har bir tadqiqot uchun 
alohida bo`lgani holda, ayni paytda har qanday ilmiy ishda umumiy pritsiplarga 
asoslangan quyidagilar aks etadi: kirish; asosiy qism (boblar va paragraflar); 
xulosa; foydalanilgan manba va adabiyotlar ro`yxati; ilova (zarur hollarda).