Mutaxassislik fanlarini o'qitish metodikasi

Mavzuni takrorlash va mustahkamlash uchun savollar hamda 
topshiriqlar: 
1.Bitiruv malakaviy ishlarga rahbar xulosasi qachon va qanday 
yoziladi? 
2. Bitiruv malakaviy ishlarga ichki va tashqi taqrizlar kim 
tomonidan va qanday yoziladi? 
3. BMIni dastlabki himoyaga kiritish tartibini tushuntiring. 
4. Bitiruv malakaviy ishni DAK huzurida himoya qilish tartibini 
ayting. 
5. Bitiruv malakaviy ishni baholash mezonlari haqida ma’lumot 
bering. 
6. Ilmiy rahbar xulosasida quysi jihatlarga e’tibor berish lozim? 
 

---

150 
6-MODUL. MUTAXASSISLIK FANLARIDAN O‘QUV 
VA MALAKAVIY PEDAGOGIK AMALIYOTNI 
TASHKIL ETISH VA O‘TKAZISH. 
14-MAVZU. MUTAXASSISLIK FANLARIDAN O‘QUV 
VA MALAKAVIY PEDAGOGIK AMALIYOTNI 
TASHKIL ETISH VA O‘TKAZISH 
 
Tayanch iboralar: malakaviy amaliyot, pedagogik amaliyot, 
tanishuv amaliyot, talaba, amaliyot obyekti, amaliyot rahbari, o’quv 
amaliyoti, bitiruv oldi amaliyot. 
 
14.1. Malakaviy amaliyot haqida tushuncha 
Malakaviy amaliyot – bo‘lajak mutaxassislarni tayyorlashda
o‘quv-pedagogik jarayonining asosiy qismi hisoblanadi. Malakaviy 
amaliyot namunaviy va ishchi o‘quv rejasiga mos ravishda amalga 
oshiriladi. Malakaviy amaliyotning mazmumni amaliyot turiga
qarab, kafedrada ishlab chiqilgan dasturiga mos bo‘ladi. Malakaviy 
amaliyot o‘quv mashg‘ulotlaridan ajralgan holda tashkil etiladi. 
Malakaviy amaliyotni talabalar oliy ta'lim muassasasi bilan
shartnoma tuzilgan tashkilotlarda o‘tashlari mumkin. Ayrim hollarda
bitiruvchi kurs talabalari o‘zi ishlashni rejalashtirayotgan ta'lim
muassasalarida faol malakaviy amaliyotni o‘tashlari mumkin.
Talabalarning malakaviy amaliyotni o‘tash joylari oliy ta'lim
muassasasi rektori tomonidan chiqarilgan buyruq asosida tashkil 
etiladi.