Mutaxassislik: 5А130202 “Amaliy matematika va axborot texnologiyalari” Magistr akademik darajasini olish uchun yozilgan dissertatsiya

1. MD mavzusining asoslanishi va uning dolzarbligi: Hozirgi kunda jami-yatni rivojlanishining zamonaviy bosqichi fan, texnika va texnologiyani rivojlanishining innovatsion modellariga o’tish bilan xarakterlanadi. Bunda esa kompyuter, informatsion va telekommunikatsion texnologiyalar katta ahamiyatga ega bo’ladi. Bunday sharoitda ta’lim jarayonini takomillashtirish va uning samaradorligini oshirish muammosi muhim va dolzarb masalalardan biri bo’lib hisoblanadi.

Ana shunday masalalardan biri ta’lim jarayonini mukammallashtirish uchun, zamonaviy o’qitish texnologiyalaridan keng foydalanish uslubiyotini yaratishdir.

Hozirgi kunda o’quv jarayonida o’qitish texnologiyalaridan masofadan o’qitish tizimidan foydalanish muhim ahamiyatga ega bo’lmoqda. Masofadan o’qitish jarayonini boshqarishning asosiy vazifasi shu jarayonni xarakterlovchi ko’rsatkichlar bo’yicha ta’lim jarayonini takomillashtirish va uning samaradorligi-ni oshirishdan iboratdir. Masofadan o’qitishning zamonaviy modellari asosida boshqarishning sifatiy va miqdoriy ko’rsatkichlarini baholash modellarini yaratish va ularning algoritm va dasturiy vositalarini o’quv jarayoniga tadbiq etish bugungi kunning dolzarb vazifalaridan biridir.