Mustaqillik bayrami dars ishlanmasi

Mavzuning bayoni:

O’zbekiston Respublikasi davlat madhiyasi o’quvchilar tomonidan birgalikda ijro etiladi. O’zbekiston Respublikasi prezidenti I.A.Karimovning “Yuksak ma’naviyat-yengilmas kuch” kitobi yuzasidan tushuncha beriladi. Kitob IV bobdan iborat.

• 
  I bob. Ma’naviyat-insonning ulg’ayish va kuch-qudrat manbayidir.
  
• 
  II bob. Mustaqillik-ma’naviy tiklanish va yuksalish.
  
• 
  III bob. Ma’naviyatga tahdid-o’zligimiz va kelajagimizga tahdid.
  
• 
  IV bob. Vatanimiz taraqqiyotining mustahkam poydevori.
  

Insoniyatning ko’p asrlik tarixi shundan dalolat beradiki, bu dunyoga o’zining milliy davlatini qurishga azmu qaror qilgan har qaysi xalq yuksak vazifalarni amalgam oshirish, shu yo’lda odamlarni birlashtirish va safarbar qilish, ularning qalbida ishonch uyg’otish, eski ijtimoiy tuzumdan mutlaqo yangi tuzumga o’tishga o’ziga qo’shimcha kuch-quvvat va madad topishda, umumiy, yagona maqsad va orzu-intilish ifodasi bo’lgan milliy g’oyani tayanch va suyanch deb biladi. Istiqlolimizning ilk kunlaridan boshlab, biz milliy g’oyamizning eng asosiy tushuncha va tamoyillarini belgilab olishga harakat qildik.

Tabiiyki, milliy g’oyamiz shu yurtda yashayotgan barcha odamlarning oliyjanob niyatlarini, hayotiy manafaatlarini mujassam etadigan yurt tinchligi, Vatan ravnaqi, xalq faravonligi degan yuksak tushunchalarni o’z ichiga oladi. I.A.Karimov.

Mustaqillik, istiqlol, Vatan haqida o’quvchilar fikrlari eshitiladi, she’rlar tinglanadi, o’qituvchi tomonidan to’diriladi.

Aziz o’quvchilar, sizlar juda to’g’ri fikr yuritdingiz. Haqiqatan, hech bir narsaga, hech bir yurtga alishmas go’zal Vatanimiz bor. Qiyinchiliklar bilan qo’lga kiritilgan mustaqilligimiz bor. Bizning vazifamiz ana shu ne’mat qadriga yetmoq, ulug’lamoq, qalban anglamoqdir.

Ozodlik hech qachon, hech kimga sovg’a qilinmagan. Uni kurashib qo’lga kiritadilar, jonini fido aylaydilar, hayotini tikadilar, shuning natijasida “Ozodlik - totli so’z”ga aylanadi.

Allohning irodasi, prezidentimiz tashabbusi tufayli o’zbek xalqi o’z mustaqilligiga erishdi. Mustaqillik-hali zamonlar osh, asrlar osha o’z kuch-qudrati, salohiyati, o’z jozibasini ko’rsatadigan milliy boylikdir. Shu boylikni asray olaylik. O’zbekiston xalq shoirasi H.Xudoyberdiyevaning “Vatan bayrog’i” she’ri:

Yurt bayrog’in har joygamas,

Ko’nglingga ek, ko’ksinga o’y.

Ishlov bergin, yumshatib tur

Ildiz otsin, ko’rsatsib boy.
To shu bayroq, Vatan nurlar,

Ich-ichinga ketsin kirib.

Toki g’anim vatanxo’rlar

Ololmasinlar sug’urib,

Aziz o’quvchilar, bizlarning eng pokiza tuyg’ularimiz ana shu Vatanimiz bag’rida tug’iladi, shu Vatanda uyg’onadi, kamolotga yetadi. Kishi o’z yurtidagina o’zini ozod, erkin his etadi:

O’zga yurtda sulton bo’lguncha,

O’z yurtingda cho’pon bo’l.

Ona yurting- oltin beshiging.

Vatani borning – baxti bor.

kabi maqollar bejiz aytilmagan. Usmon Nosirning “Yurak” she’ridan parcha o’qiladi:

Itoat et!

Agar sendan Vatan rozi emas bo’lsa,

Yoril, chaqmoqqa aylan sen,

Yoril, mayli tamom o’lsam!

Buyuk ajdodlarimiz ham, doimo Vatanga muhabbat tuyg’usi bilan yashagan. Milliy g’urur va iftixorimiz bo’lgan To’maris, Shiroq, Spitamen, Najmiddin Kubro, Amir Temur, Bobur Mirzo kabi vatanparvar ajdodlarimizning qahramonliklari zamirida ana shu tuyg’u majassam. Vatan ahdodlardan avlodlarga bebaho merosdir. Ana shu merosimizni asraylik.

“Vatanga men nima bera olaman?” so’zlari yuragimizdan chuqur joy olsin. SHu yurtimizni yanada gullatish, jahonga tanitish, xalq faravonligi uchun qo’ldan kelgancha ezgu ishlar qilaylik. O’zbekiston xalq shoiri Muhammad Yusufning “Xalq bo’l, elim” she’ri o’qi beriladi.

Ha, biz Mustaqillik tufayli xalq bo’la oldik. Bugun yurtimiz manzaralariga e’tibor bersak, hayratimizni yashira olmaymiz. Go’zal imoratlar, ulkan binolar, keng, ravon ko’chalarda hurriyatning totli ta’mi anqib turganday.

Istiqloling, baxti kamoling muborak-jon O’zbekistonim.

Mustaqil O’zbekiston haqidagi fotolavhalar yuzasidan suhbat bo’lib, dars yakunlanadi.