Mustaqil ishi uzatish xarakteristikalar, ikki qutbli sxemalar, parallel va ketma ketli rezonans, quvvatni maksimal uzatish va o‘zaro induksiya

Metall-yarimо‘tkazgich kontakti va uning xossalari.
 Yarimо‘tkazgich moddalardan foydalanganda ular albatta boshqa moddalar bilan tutashgan holda (kontaktlashgan holda) bо‘ladi. Bu boshqa modda metall yoki yarimо‘tkazgich bо‘lishi mumkin. Yarimо‘tkazgich dielektrik bilan tutashgan bо‘lishi va ayrim hollarda esa, eritma yoki elektrolit bilan kontaktda bо‘lishi mumkin.
Yarimо‘tkazgichning metall bilan tutashgan xoli muhim masalalardan biridir, chunki, bunday kontaktlar elektron asboblar ishlab chiqarishda katta о‘rin tutadi. Kontakt (tutashish) qatlamida yuz beradigan ajoib hodisalar ikki modda chegarasi orqali zaryad tashuvchilar almashinishiga bog‘liqdir.
Modda vakuum bilan chegaralangan bо‘lsin. Ma’lumki, moddadan elektronning vakuumga chiqib ketishiga qarshilik kо‘rsatadigan potsential (energiyaviy) tо‘siq mavjud. Bu tо‘siqning balandiligini elektronning sirt orqali tashqariga chiqib keta olishi zarur bо‘lgan energiya aniqlaydi. Uni chiqish ishi deyiladi.
Turli moddalardan elektronlarning chiqish ishi turlicha qiymatlarga ega bо‘ladi. Yarimо‘tkazgichlar hossasini aniqlashda chiqish ishlari ichida kо‘proq termodinamik chiqish ishini bilish muhim ahamiyatga ega. Termodinamik chiqish ishi о‘tkazgichning fermi sathidan vakuum sathigacha bо‘lgan energiyaviy masofani bildiradi. Bu ishni metall uchun о‘tkazuvchanlik sohasidagi eng yuqorigi elektron sathlari – Fermi sathidan boshlab hisoblansa, yarimо‘tkazgichlarda taqiqlangan sohada joylashgan Fermi sathidan boshlab hisoblanadi