Mustaqil ishi topshirdi : N. Qarshiyeva Qabul qildi: F. Muqimova Pazandachilikda ishlatiladigan asbob uskunalar va moslamalar haqida ma’lumotlar Ovqatni tayyorlashga kirishishdan oldin qo‘llarni sovun bilan yuvish

Aluminiy idishlar shtampovka qilib, quyib tayyorlanadi. Shtampovka qilib tayyorlanadigan aluminiy idishlar ishlatilishiga qarab har xil og‘irlikda bo‘ladi: yengil idishlarning tubini qalinligi 1,5 mm, o‘rtachalariniki 2 mm, og‘irlariniki esa 2,5 mm bo‘ladi. Qalin qilib quyilgan aluminiy idishlar (tova, kastrulka, qozon va shu kabilar), asosan, yog‘ dog‘lab, masalliqni qovurishga, quyuq taomlar pishirishga mo‘ljallangan. Yengil va o‘rtacha qilib quyilgan aluminiy idishlar (kastrul, tovoqchalar)da oziq-ovqat mahsulotlarini saqlash hamda suyuq taomlarni tayyorlash mumkin. Aluminiy idishlarni kumushsimon xira sirlab, silliqlab, jilolab, xromlab, bo‘yamay yoki har xil rangga sirlab bo‘yab ishlanadi. Aluminiy idish-tovoqlar issiqqa chidamli (658°C da eriydi) bo‘ladi, haroratning tez o‘zgarishi ta'sir ko‘rsatmaydi, bunday idishlarda taomning rangi, hidi, ta'mi buzilmaydi. Bunday idishlarda sho‘r, organik kislotalarga boy masalliqlarni qovurib yoki qaynatib pishirish mumkin. Lekin ovqatni 2 sutkadan ortiq saqlab bo‘lmaydi. Tuzlangan karam, sho‘r bodring kabilarni aluminiy idishlarda saqlash mumkin emas, tuz, kislota ishqordan tez ayniydi. Yangi aluminiy idishni hayvon yoki o‘simlik yog‘i surtib qaynatib tashlab, keyin foydalanish kerak.