To‘pni o‘yinchi tomonidan tashlanishi: Agar to‘p o‘yinga kirgandan so‘ng to‘p tashlashni amalga oshirgan o‘yinchi to‘p boshqa biror o‘yinchiga tegmasdan oldin (qo‘l bilan emas) yana to‘pga tegsa: - Qarshi jamoaga qoida buzilgan joydan erkin zarba bajarish huquqi beriladi;
-Agar to‘p o‘yinga kirgandan so‘ng to‘p tashlashni amalga oshirgan o‘yinchi to‘p boshqa biror o‘yinchiga tegmasidan oldin ataylab qo‘li bilan o‘ynasa, qarshi jamoaga qoida buzilgan joydan jarima zarbasini bajarish huquqi beriladi.
-Agar qoida buzilishi to‘p tashlashni bajargan o‘yinchi jarima maydonida yuz bersa, 11 metrlik zarba tayinlanadi.
To‘pni darvozabon tomonidan tashlanishi. Agar to‘p o‘yinga kirgandan so‘ng darvozabon to‘p boshqa biror o‘yinchiga tegmasdan avval yana to‘pga tegsa (qo‘l bilan emas), qarshi jamoaga qoida buzilgan joydan erkin zarba bajarish huquqi beriladi. Agar to‘p o‘yinga kirgandan so‘ng darvozabon to‘p boshqa biror o‘yinchiga tegmasdan oldin ataylab qo‘li bilan o‘ynasa, qarshi jamoaga jarima zarbasini bajarish huquqi beriladi, maboda qoida buzilishi darvozabonning jarima maydonidan tashqarisida yuz bersa, bunda zarba qoida buzilgan joyda amalga oshiriladi. Qarshi jamoaga erkin zarba bajarish huquqi beriladi, agar qoida buzilishi darvozabonning jarima maydoni doirasida yuz bersa, bunda zarba qoida buzilgan joyda amalga oshiriladi. Agar raqib halol bo‘lmagan usul bilan to‘p tashlashni amalga oshirayotgan o‘yinchini diqqatini chalg‘itsa yoki halaqit bersa, bunday o‘yinchi sportchiga xos bo‘lmagan xatti-harakati uchun sariq kartochka ko‘rsatish bilan ogohlantirish oladi. Shu qoidaning boshqa har qanday buzilishida: qarshi jamoa o‘yinchisi to‘p tashlashni amalga oshiradi.
Darvozadan zarba. Darvozadan zarba o‘yinni yangilash usuli hisoblanadi, Darvozadan zarba tufayli to‘g‘ridan to‘g‘ri raqib darvozasiga to‘p kirsa gol hisoblanadi. Darvozadan zarba tayinlanadi qachonki: To‘p oxirgi marta hujum qilayotgan jamoa o‘yinchisiga tegib darvoza chizig‘ini yerdan yoki havodan kesib o‘tsa, lekin agar bunda 10 – qoidadan kelib chiqib gol urilmagan bo‘lsa.
Darvozadan zarbani bajarish tartibi shunday: Zarba himoyalanuvchi jamoa o‘yinchisi tomonidan darvoza maydon doirasining har qanday nuqtasida amalga oshiriladi. Raqiblar to‘p o‘yinga kirmaguncha jarima maydoni doirasining tashqarisida turishadi (qoladi). Zarbani bajargan o‘yinchi to‘p biror bir o‘yinchiga tegmasdan oldin, ikkinchi marta to‘p bilan o‘ynashi mumkin emas. To‘p to‘g‘ridan to‘g‘ri jarima maydoni doirasidan tashqariga chiqsa to‘p o‘yinda hisoblanadi. Qoida buzilishi va jazo. Agar darvozadan zarba bajarilgandan so‘ng to‘p jarima maydoni doirasini tark etmasa (tashqariga chiqmasa). Zarba qaytariladi qachonki darvozadan zarba maydon o‘yinchisi tomonidan bajarilsa (darvozabon tomonidan emas).
Agar to‘p o‘yinga kirgandan so‘ng zarbani bajargan o‘yinchi to‘p biror bir o‘yinchiga tegmasdan oldin ikkinchi marta to‘pga tegsa (qo‘l bilan emas): qarshi jamoa qoida buzilgan joydan erkin zarba bajarish huquqini oladi.
Agar to‘p o‘yinga kirganidan so‘ng zarbani bajargan o‘yinchi to‘p biror bir o‘yinchiga tegmasdan oldin ataylab qo‘li bilan o‘ynasa qarshi jamoa qoida buzilgan joydan jarima zarbasini bajarish huquqini oladi. Agar qoida buzilishi zarbani bajargan o‘yinchining jarima maydoni doirasida yuz bersa, 11 metrlik zarba tayinlanadi. Darvozadan zarba darvozabon tomonidan bajarilganda, agar to‘p o‘yinga kirgandan so‘ng darvozabon to‘p biror bir o‘yinchiga tegmasidan oldin ikkinchi marta tegsa (qo‘l bilan emas) - qarshi jamoa qoida buzilgan joydan erkin zarba bajarish huquqini oladi.
Agar to‘p o‘yinga kirganidan so‘ng darvozabon to‘p biror bir o‘yinchiga tegmasdan oldin ataylab qo‘li bilan o‘ynasa;
Agar qoida buzilishi darvozabonning jarima maydoni doirasi tashqarisida yuz bersa qarshi jamoa qoida buzilgan joydan jarima zarbasini bajarish huquqini oladi.
Agar qoida buzilishi darvozabon jarima maydoni doirasida yuz bersa, qarshi jamoa qoida buzilgan joydan erkin zarba bajarish huquqini oladi.
Shu qoidaning boshqa har qanday buzilishida zarba qaytariladi.
