Mustaqil ishi mavzu: 2007-yil toshkent islom madaniyati poytaxti deb e'lon qilinishining mazmuni va mohiyati

Nizomiy nomidagi Toshkent davlat
Pedagogika universiteti Matematika va
Informatika fakulteti maxsussirtqi 101-
Guruh talabasi Azizbek Shuhratovning
Oʻzbekistonning eng yangi tarixi fanidan
Yozgan
MUSTAQIL ISHI
Mavzu: 2007-yil toshkent islom madaniyati poytaxti deb e'lon qilinishining mazmuni va mohiyati

O‘ZBEKISTON RESPUBLIKASI VAZIRLAR MAHKAMASINING

QARORI

TOSHKENT SHAHRI “ISLOM MADANIYATI POYTAXTI” DEB E’LON QILINGANLIGI MUNOSABATI BILAN O‘TKAZILADIGAN TADBIRLAR TO‘G‘RISIDA

 LexUZ sharhi

Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.

Ta’lim, fan va madaniyat masalalari bo‘yicha Islom tashkiloti — AYSESKO (ISESCO) tomonidan Toshkent shahri “Islom madaniyati poytaxti” deb e’lon qilinganligi munosabati bilan O‘zbekiston Respublikasi Prezidentining 2007-yil 3-mart kunidagi topshirig‘i ijrosini ta’minlash, tashkiliy-amaliy, madaniy-ma’rifiy tadbirlar hamda targ‘ibot-tashviqot ishlarini amalga oshirish, mamlakatimiz, xususan poytaxtimizning dunyo sivilizatsiyasi, islom fani va madaniyati rivojiga qo‘shgan ulkan hissasi, yurtimizdagi ko‘lamli tarixiy o‘zgarishlarni xalqimiz va jahon jamoatchiligi o‘rtasida keng targ‘ib etish, vatandoshlarimiz, ayniqsa yosh avlod qalbi va ongiga Vatanga muhabbat va sadoqat tuyg‘usini yanada chuqurroq singdirish maqsadida Vazirlar Mahkamasi qaror qiladi:

1. Toshkent shahri “Islom madaniyati poytaxti” deb e’lon qilinganligi munosabati bilan amalga oshiriladigan tashkiliy-amaliy, madaniy-ma’rifiy tadbirlar Dasturi 1-ilovaga, respublika tashkiliy qo‘mitasi tarkibi 2-ilovaga muvofiq tasdiqlansin.

Tashkiliy qo‘mita Dasturda belgilangan tadbirlar keng jamoatchilik va chet ellardagi yirik olimlar va mutaxassislarning faol ishtirokida amalga oshirilishini ta’minlasin.

2. O‘zbekiston Respublikasi Tashqi ishlar vazirligi:

Fanlar akademiyasi bilan birgalikda bir oy muddatda xalqaro ilmiy-amaliy konferensiyaga taklif etiladigan xorijiy olimlar ro‘yxati va ularning ma’ruzalari yuzasidan aniq takliflar kiritsin.

3. Ma’naviyat targ‘ibot markazi Madaniyat va sport ishlari vazirligi hamda Din ishlari bo‘yicha qo‘mita bilan birgalikda Dasturda belgilangan targ‘ibot-tashviqot ishlarini yuqori saviyada tashkil etsin.

4. O‘zbekiston matbuot va axborot agentligi, O‘zbekiston milliy teleradiokompaniyasi, O‘zbekiston Milliy axborot agentligi, “Jahon” axborot agentligiga Toshkent shahrining 2007-yilda “Islom madaniyati poytaxti” deb e’lon qilinganligi munosabati bilan amalga oshiriladigan tadbirlarning mohiyati va ijrosini keng ko‘lamda yoritib borish tavsiya etilsin.

5. Toshkent shahar hokimligi:

Toshkent shahriga “Islom madaniyati poytaxti” maqomi berilishi munosabati bilan shahardagi islomiy obidalar, ziyoratgohlarda va ularning atrofida obodonchilik-ta’mirlash ishlarini;

shaharning diqqatga sazovor joylari, markaziy ko‘chalar, xiyobonlar, tadbirlar o‘tkaziladigan hamda tadbir ishtirokchilarining yashash joylarida bezash ishlarini amalga oshirish chora-tadbirlarini ko‘rsin.

6. O‘zbekiston Respublikasi Ichki ishlar vazirligiga tadbirlar o‘tadigan joylar va ishtirokchilarning yashash joylarida Vazirlar Mahkamasining 2003-yil 13-yanvardagi 15-son qarori talablariga rioya etilishini ta’minlash topshirilsin.

7. Dasturda belgilangan tadbirlarni amalga oshirishda homiy sifatida qatnashish istagini bildirgan nodavlat va jamoat tashkilotlari, xorijiy va xalqaro tuzilmalarning tashabbuslari qo‘llab-quvvatlansin.

Oldingi tahrirga qarang.

(8-band O‘zbekiston Respublikasi Vazirlar Mahkamasining 2007-yil 2-avgustdagi 162-sonli qarorga asosan o‘z kuchini yo‘qotgan)

9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.Qosimov zimmasiga yuklansin.
O‘zbekiston Respublikasi Bosh vaziri Sh. MIRZIYOYEV

Toshkent sh.

2007-yil 15-mart,

51-son

Toshkent shahri 2007-yilda “Islom madaniyati poytaxti” deb e’lon qilinganligi munosabati bilan amalga oshiriladigan tadbirlar

DASTURI

№
Tadbir
Muddati
Mas’ullar
1.
“Toshkent — islom madaniyati poytaxti” risolasini o‘zbek, rus va ingliz tillarida tayyorlash va chop etish
2007-yil mart
Toshkent islom universiteti, Tashqi ishlar vazirligi
2.
O‘zbekistonning chet ellardagi diplomatik vakolatxonalarida taqdimot va ko‘rgazmalar, davra suhbatlari, folklor guruhlarining chiqishlari, o‘zbek xalqining ma’naviy-madaniy merosi va uning jahon madaniyatiga qo‘shgan hissasi bo‘yicha tadbirlar o‘tkazish
Yil davomda
Tashqi ishlar vazirligi, Madaniyat va sport ishlari vazirligi, Do‘stlik jamiyatlari kengashi, Badiiy akademiya, “Tasviriy oyina” uyushmasi
3.
Toshkent shahridagi mashhur islom mutafakkirlari — Shayx Zayniddin, Shayx Xovand Tohur, Qaffol Shoshiy, Xoja Alambardor, Yunusxon, Baroqxon, Zangiota me’moriy obidalari asosida ziyoratchilar uchun sayyohlik yo‘nalishlarini ishlab chiqish
2007-yil mart
“O‘zbekturizm” milliy kompaniyasi, Din ishlari bo‘yicha qo‘mita, O‘zbekiston musulmonlari idorasi
4.
Toshkent tarixiga oid tematik, nodir kitoblar va qo‘lyozma manbalar ko‘rgazmalarini tashkil etish
2007-yil mart — dekabr
O‘zbekiston Fanlar akademiyasi Temuriylar davlati tarixi muzeyi, Toshkent islom universiteti, Tashqi ishlar vazirligi
5.
Toshkent shahrining islom madaniyati poytaxti, deb e’tirof etilishiga bag‘ishlangan turkum maqolalar tayyorlab, rus, ingliz va arab tillariga tarjima qilish va internetda e’lon qilish
2007-yil muntazam
Tashqi ishlar vazirligi, Oliy va o‘rta maxsus ta’lim vazirligi, “Jahon” axborot agentligi
6.
O‘zbek, rus, ingliz va arab tillarida O‘zbekiston Respublikasi Prezidenti I.Karimovning din va ma’naviyat masalalariga bag‘ishlangan maqola va ma’ruzalar to‘plamini nashrga tayyorlash
2007-yilning III choragi
Din ishlari bo‘yicha qo‘mita, O‘zbekiston musulmonalari idorasi, Matbuot va axborot agentligi, Tashqi ishlar vazirligi
7.
“Toshkent - islom madaniyati poytaxti” nomli hujjatli filmni yaratish va uning taqdimotini o‘tkazish
2007-yilning I choragi
“O‘zbekkino” milliy agentligi, O‘zbekiston musulmonlari idorasi, Toshkent islom universiteti, “Jahon” axborot agentligi
8.
Diniy va dunyoviy ilmlar rivojiga hissa qo‘shgan mashhur islom allomalarining hayoti va ilmiy faoliyatiga bag‘ishlangan kitoblar, risolalar va ilmiy-ommabop maqolalarni chop etish
2007-yilning I—III choraklari
O‘zekiston Fanlar akademiyasi, Din ishlari bo‘yicha qo‘mita, Toshkent islom universiteti, O‘zbekiston musulmonlari idorasi
9.
“Toshkent —islom madaniyatining durdonasi” fotoalbomini nashr etish va taqdimotini o‘tkazish (o‘zbek, rus, ingliz va arab tillarida)
2007-yilning III choragi
O‘zbekiston matbuot va axborot agentligi, Fanlar akademiyasi Tarix instituti, Din ishlari bo‘yicha qo‘mita, Toshkent islom universiteti, Tashqi ishlar vazirligi, O‘zbekiston musulmonlari idorasi
10.
Toshkent islom universitetida “Merosimiz—faxrimiz” mavzuida tadqiqotchi va talabalar anjumanini o‘tkazish
2007-yil aprel
Toshkent islom universiteti, Toshkent davlat sharqshunoslik instituti, O‘zbekiston musulmonlari idorasi
11.
“Buyuk ajdodlarimizning islom sivilizatsiyasiga qo‘shgan hissasi” rukni ostida ko‘rsatuvlar tayyorlash
Yil davomida
O‘zbekiston milliy teleradiokompaniyasi, Din ishlari bo‘yicha qo‘mita, Toshkent islom universiteti
21.
O‘zbekistonda mustaqillikdan so‘ng din va vijdon erkinligi, jamiyatdagi tinchlik va diniy bag‘rikenglik, millatlararo do‘stlik va hamjihatlik mavzulariga bag‘ishlangan ilmiy-ommabop maqolalarni respublika va xorijiy OAVda chop etish
Yil davomida
Matbuot va axborot agentligi, Tashqi ishlar vazirligi, Din ishlari bo‘yicha qo‘mita, O‘zbekiston musulmonlari idorasi, Respublika ma’naviyat targ‘ibot markazi, Milliy g‘oya va mafkura ilmiy-amaliy markazi
22.
Talaba va o‘quvchilarni Toshkent shahridagi me’moriy va tarixiy yodgorliklar bilan tanishtirish maqsadida ekskursiyalar uyushtirish
Yil davomida
Madaniyat va sport ishlari vazirligi, Oliy va o‘rta maxsus ta’lim vazirligi, Xalq ta’limi vazirligi
23.
AYSESKO saytida Toshkent shahrining islom sivilizatsiyasi ravnaqiga qo‘shgan hissasi haqida hikoya qiluvchi muhim tarixiy, ilmiy va adabiy ma’lumotlarni joylashtirish
2007-yilning III choragi
Tashqi ishlar vazirligi, AYSESKO kotibiyati
24.
O‘rta asrlarda yaratilgan “Tarixi jadidi Toshqand” (“Toshkentning yangi tarixi”) qo‘lyozmasi asosidagi risolani nashrga tayyorlash
2007-yilning IV choragi
O‘zbekiston Respublikasi Fanlar akademiyasi
25.
Toshkent islom universiteti saytida “Toshkent — islom madaniyati poytaxti” nomli rukn ochib, u yerda mazkur mavzuga oid materiallarni jamlash
Yil davomida
Toshkent islom universiteti
26.
O‘zbekiston tarixi davlat muzeyida “Toshkent: kecha va bugun” nomli ko‘rgazma tashkil etish
2007-yilning III-IV choraklari
O‘zbekiston Fanlar akademiyasi, O‘zbekiston tarixi davlat muzeyi, Madaniyat va sport ishlari vazirligi, Din ishlari bo‘yicha qo‘mita