1 сўм = 100 тийин Ўзбекистон Республикаси Конституциясининг 122—моддаси ва „Ўзбекистон Республикаси Давлат мустақиллигининг асослари тўғрисида“ги қонуннинг 11-моддаси, шунингдек, Ўзбекистон Республикаси Олий Мажлиснинг 1993-йил 3-сентабрдаги 952-ХИИ сонли қарорига мувофиқ 1994-йил 1-июлдан бошлаб, Ўзбекистон Республикаси ҳудудида қонуний тўлов воситаси бўлган миллий валюта — „сўм“ муомалага киритилди. 2013-йил июнида 5000 сўм қийматлик янги банкнота чиқиши ҳақида хабарлар тарқалди. 2013-йил 27-июнида Ўзбекистон республикаси Марказий банки шу йилнинг 1-июлидан бошлаб қиймати 5000 сўм бўлган пул чипталарини муомалага чиқаришини билдирди.
2017-йил20-февралдаЎзбекистон Республикаси Олий Мажлиси Сенати кенгашининг „Ўзбекистон Республикаси Марказий банки томонидан 10000 сўмлик банкнотларнинг чиқарилиши тўғрисида“ги қарори қабул қилинди. 2021-йил14-июндан 2000 ва 20000 сўмлик банкнотлар муомалага чиқарилди
2001-йилги 50 сўм ва 2004-йилги 100 сўмлик тангалар маълум саналарга атаб чиқарилган бўлсада (мустақилликнинг 10 йиллиги, миллий валютанинг 10 йиллиги), Марказий банк томонидан эсдалик тангалар қаторига киритилмаган. 2001—2004-йилларда зарб қилиган 50 ва 100 сўмлик тангалар 2019-йил 1-июлдан 1, 5 ва 10 сўм қийматига эга бўлган тангалар 2020-йил 1-мартдан муомаладан чиқарилган.
Пул тизими — муамлакатнинг пул белгилари, пул бирликлари, пул эмиссияси қоидалари ва муомаласи шакллари, мамлакатда миллий қонунчилик билан жорий этилган пул муносабатлари. Тарихан Пул тизимининг металл пул муомаласи ва пул белгилари (қоғоз пуллар) муомаласи кўринишлари бор. Ўз навбатида металл пул муомаласи тизими биметаллизм ва монометаллизмта бўлинади. Ўзбекистон Республикасининг ҳозирги Пул тизими 1995-йил 21 дек.да қабул қилинган "Ўзбекистон Республикасининг Марказий банки тўғрисида"ги конунга муво-фиқ ташкил этилган. Расмий пул бирлиги сўм. Сўмнинг чет эл валюталарига нисбатан курсини ЎзР Марказий банки белгилайди ва матбуотда эълон қилади. Ўзбекистон ҳудудида накд пуллар (банкнотлар ва тангалар) ʻва нақд бўлмаган пуллар (кредит муассасаларида ҳисобварақлардаги маблағлар кўринишида) амал қилади.
Ўзбекистон Республикаси Марказий банки накд пулларни чиқариш, уларнинг Ўзбекистон Республикаси худу-дида муомалада бўлишини ташкил этиш ва муомаладан чиқариш бўйича мутлақ ҳуқуқларга эга.
Пул тизими турлари пул қандай шаклда амал қилишига боғлиқ, яъни умумий эквивалент - товар сифатида ёки қиймат белгиси сифа-тида бўлишига қараб қуйидагича пул тизимлар мавжуд бўлган.