“Мустаҳкам оила йили” Давлат дастури 57-банди ижросини таъминлаш тўғрисида

Миллий мустақилликнинг қўлга киритилиши

Бугун муқаддас байрамимиз бўлган мустақиллик айёмини нишонлар эканмиз, биз албатта уларнинг мамлакат ва миллат олдидаги хизматлари олдида бош эгиб, таъзим қилишимиз, уларнинг руҳи-покларига дуолар қилишимиз лозим, деб ўйлаймиз. “Миллат гуллари”нинг ўртача ёши 25 ёшдан 45 ёшгача бўлиб, улар энди кучга тўлган, Ватан тақдири учун ўзларининг масъуллик ҳиссини тўлақонли равишда англаган ватандошларимиз, миллатпарварлар эди.

1991 йилнинг 31 августида Ўзбекистон Республикаси миллий мустақиллигининг эълон қилиниши, шубҳасиз, Ватан тарихида зарҳал ҳарфлар билан ёзиладиган саҳифа бўлди. Аммо, совет мустабид тузуми бизга жуда оғир “мерос” қолдирди. Келинг, ўша таҳликали даврларни, ўтган асрнинг 80-йиллари охирлари-ю 90-йиллар бошларидаги яқин тарихни эслаб кўрайлик. Ўша даврда одамларимизни иккита нарса қийнар эди. Биринчиси қоринни тўйдириш ғами бўлса, иккинчиси Ўзбекистонда барқарор тинчлик, одамлар хавфсизлигини таъминлашдан иборат эди. Чунки, мазкур даврда миллатлараро муносабатлар тобора кучайиб, вазият янада кескинлаша борди, аҳолининг иқтисодий аҳволи ўта оғирлашди, халқнинг ҳақли равишда норозилиги кучая бошлади.
Бунинг устига, ижтимоий муаммолар қалашиб ётарди. Барчани эртанги кун ташвиши эзарди. Одамларда тушкун кайфият кучайиб борарди. Касалликлар, болалар ўлими, инсон қадр-қимматининг тобора пасайиб бориши авж олди. Болаларда мактабда ўқишга қизиқиш камайди. Ана шундай шароитда миллий мустақилликнинг қўлга киритилиши, аслида халқимизнинг минг йиллар давомидаги орзу-умидларининг реал ҳолатдаги руёби эди.
Энди Ўзбекистон олдида бошқарувнинг маъмурий-буйруқбозлик тизимидан воз кечиш, одамларда демократик қадриятлар тўғрисида тасаввур ҳосил қилиш, мамлакатимизга мос, унинг миллий, ҳудудий, демографик хусусиятларига тўғри келадиган йўлни танлашдан иборат буюк вазифалар турар эди. Биз ҳеч иккиланмасдан ўз олдимизга энг тараққий этган демократик давлатлар қаторига кўтарилиш, фаровон ва бадавлат ҳаёт кечириш, халқаро майдонда муносиб ўрин эгаллашдан иборат вазифани қўйдик.
Қисқа вақт ичида Ўзбекистон халқаро ҳамжамиятнинг тўлақонли субъектига айланди. Мамлакатда демократик жамиятни барпо этишнинг ҳуқуқий асослари яратила бошланди. Иқтисодиёт, сиёсат, ижтимоий соҳаларда, маънавий-маърифий жабҳада ислоҳотлар амалга оширилишга киришилди.