Мустақил иш мавзу

1.1. Аҳолини иш билан бандлик даражасини оширишда кичик бизнес ва хусусий тадбиркорликнинг аҳамиятини ошириш масалалари

Мамлакатимизда амалга оширилаётган туб ислоҳотларнинг туб негизларидан бири – бу аҳоли фаровонлигини янада ошириш ва турмуш даражасини янада яхшилашдир. Ушбу кўзланган мақсадли дастурни амалга оширишда айнан аҳолининг иш билан бандлиги алоҳида аҳамият касб этади.

Кейинги йилларда мамлакатимизда олиб борилаётган кучли ижтимоий сиёсат натижасида жорий ишчи кучи бозорида қуйидаги асосий тенденциялар намоён бўлмоқда:

^ иш излаётганлар сифатида меҳнат биржасида рўйхатга олинган ишчи кучи сонининг камайиб бориши;

• 
  меҳнатга лаёқатли аҳоли таркибида ёшлар сонининг нисбатан камайиши натижасида ишчи кучи ресурслари ёшининг улғайиб бориши;
  

• 
  ишчи кучи бозорида малакали ишчи кучларининг таклифи нисбатан ва мутлақ кўрсаткичларда пасайиб, ишчи кучининг асосий қисмини касб ва мутахассисликка эга бўлмаган кишилар ташкил қилиши;
  

• 
  мамлакатимиздаги меҳнат биржалари фаолиятининг самарадорлиги ошиши натижасида жорий ишчи кучи бозорида юқори даражадаги фаоллашувнинг кузатилиши;
  

• 
  жорий ишчи кучи бозорида ишчи кучига бўлган таклифнинг унга бўлган талабдан юқори бўлиш ҳолатининг сақланиб қолиши;
  

• 
  жорий ишчи кучи бозори инфратузилмасида касбий таълим олган ишсизлар сонининг камайиши.
  

Ишчи кучи бандлиги самарадорлигини таъминлаш учун давлатни бандлик сиёсатининг қуйидаги йўналишлари кучайтирилди:


^ оилавий бизнес ва кичик хусусий корхоналарни ривожлантиришни жадаллаштиришни таъминлаш мақсадида “Оилавий тадбиркорлик тўғрисида”ги қонун қабул қилинди;

• 
  мазкур мақсадларда микрокредитлаш тизимини рағбатлантириш ишлари амалга оширилди;
  

• 
  йирик саноат корхоналари ва нисбатан кичикроқ бўлган ишлаб чиқариш корхоналари билан касаначиликни кенгайтириш асосидаги кооперацияни ривожлантириш имкониятларидан кенг қамровли фойдаланиши таъминланди;
  

• 
  маҳаллий хом ашёни пухта қайта ишлашга ва тайёр, рақобатга бардошли маҳсулот ишлаб чиқаришга йўналтирилган енгил ва озиқ-овқат қайта ишлаш саноатининг кўп меҳнат талаб қиладиган тармоқларини жадал ривожлантиришга ўтилди;
  

• 
  хизмат кўрсатиш соҳаларини ривожлантириш, кишлоқ жойларида қишлоқ хўжалигига тааллуқли бўлмаган бандлик соҳаларини кенгайтириш масалаларини ҳал этишга эътибор кучайтирилди;
  

• 
  ишсизларни касбий ўқитиш ва жамоат ишлари тизимларини такомиллаштириш билан шуғулланадиган хизматлар иши фаоллаштирилди.
  

Мазкур чора-тадбирларнинг амалга оширилиши ҳалқимизнинг фаровон турмушини таъминлаш манбаи бўлган иш билан бандлик даражасининг янада ошишига, ахолининг ижтимоий мухофазасининг кучайишига янада кенг йўл очиб берди.

Мамлакатимизда янги иш ўринларининг қарийб ярми кичик корхоналар, микрофирмалар ташкил этиш, якка тартибдаги тадбиркорликни, хизмат кўрсатиш ва сервис соҳасини янада ривожлантириш, пудрат

асосидаги қурилиш, шу жумладан, уй-жойларни таъмирлаш ва реконструкция қилиш ишлари кўламини кенгайтириш ҳисобидан яратилмокда.

Меҳнат ва аҳолини ижтимоий муҳофаза қилиш вазирлигининг маълумотларига кўра, 2011 йилда республикада 950 мингда ортиқ иш ўрни ташкил этилган (12-жадвал).

12-жадвал