Murtazayev saidmurodxon saidaloyevich murtazayev saidalo murtazayevich bolalar fakultet terapevtik

 
Emal aplaziyasi. 
Bunday nuqson emal to`qimasining og`ir shikastlanishi bo`lib tish toj qismining 
chaynov yuzasida, kesuvchi qirralarda emal to`qimasining butkul bo`lmasligi va shu 
soxalarda dentin to`qimasi ochilib qolishi bilan tavsiflanadi.
Emal aplaziyasi uzicha mustakil xastalik bulshi, yoki sistemali gipoplaziyaning 
egatchali va likopchasimon turlarining asorati sifatida sodir bo`lishi mumkin. Bunda 
emal to`qimasi tishlar toj qismida kisman yoki butunlay bo`lmasligi mumkin. Emal 
to`qimasining kisman bo`lmasligiga nafaqat nuqson chuqurligi, uzoq muddat mavjud 
bo`lishi, balki emalning yupqalashgan joylarida uning patologik siyklanib yemirilishi 
xam sabab bo`lishi mumkin. Nuqsonlarning chuqurlashgan joylarida kariyes jarayoni 
rivojlanadi.
Emal aplaziyasida bemor bolalar kimyoviy, temperatura, ta’sirotlardan sezgirlikka, 
kosmetik nuqsonlarga, tishlarning shaklini buzilishiga, yorilib sinishiga, patologik 
siyqalanishga shikoyat qilishadi. 
Emal aplaziyasini kariyesning yoyilib kechishi, sirkulyar kariyes, autosom-
dominant, va autosom-retsessiv gipominerallashgan irsiy tugallanmagan amelogenez va 
flyuorozning destruktiv shakli bilan qiyosiy tashxis utkaziladi.
Rentgen tasvirda emalning nuqsonlar mavjud soxalarida qoramtir dog`lar va yo`llar 
mavjud bo`ladi. Emalning chegaralangan aplastik soxalarida qoramtir dog`lar va yo`llar 
gorizontal yo`nalishga ega. To`liq emal aplaziyasi soxalarida-emalsiz, joylarda katta 
qoramtir dog`lar aniqlanadi.