Муратов Д., Алимова М., Каримов Ж., Нажмиддинов Ж., Жўраев Ш. Диншунослик ўзбекистон республикаси

ШАУРВА – зардуштийликда қўрқоқлик, пасткашлик маъбу­ди, Ахриман тарафдори.
ШЕОЛ (ибр., «остки, қуйи») – яҳудийлик мифалогиясига кўра, ўликлар дунёси.
ШИВА – оддий халқ оммаси, камбағаллар илоҳиёти ҳисобланади. У Риг Веданинг биринчи нусхаларида Рудра номи билан зикр этилган. Атхарва Ведада Рудранинг роли ошиб боради. Яжур Ведада Рудра Агни тимсолида берил­ган. У Ишана, Ишвара, Махадева (буюк худо) номлари би­лан ҳам аталади.
ШОЗЗ – ишончли ровийнинг ўзидан кучлироқ ровийга му­холиф бўлиши.
ШОЙИХЕТ – яҳудийларнинг қассоблари
ШОҲ ОТАШ ВАРАХРАМ (Ғолиб Шоҳ Баҳром олови) – мах­сус шоҳона маросимлар, йирик ғалабаларга бағишланиб 16 хил олов жамланиб, ёқилган олов.
ШРУТИ – «Ваҳийга таянувчи» деган маънони англатади. Ҳинд муқаддас китобларининг биринчи қисми.
ШУДРАЛАР – ҳинд касталаридаги ишчилар, энг қуйи табақа.
ЭРЛИК – Тангричилик эътиқодига кўра, эркак жинсидаги ўлим сабабчиси ва макони Ер остида бўлган маъбуд
ЮҲАННО (Иоан) – Исонинг 12 ҳаворийларидан ва «Инжил»нинг муаллифларидан бири. Христианликка кўра, Юҳанно «Янги Аҳд» таркибига кирувчи «Ваҳийнома» ки­тобининг муаллифи ҳамдир.
ЯЖУР ВЕДА – «Қурбонликлар ведаси». Қурбонлик маро­сими кўринишлари билан алоқадор ведадир. Унинг асо­сий қисмини қурбонлик қилиш усуллари – яжус ташкил қилади. Мазкур яжуслар қурбонлик маросимнинг маълум бўлимларида жуда паст овозда, ижро этилади, улар маъно­сини эса, маросимнинг ўтказилиш тартибидан келиб чиқиб тушуниш мумкин. Яжусларнинг баъзи қисмлари назм, баъзилари эса наср шаклида ёзилган бўлиб, қурбонлик билан боғлиқ сўз ва дуоларни ўз ичига олади.
ЯЗАТ (авесто, эҳтиромга лойиқ) – Ердаги турли ҳодиса ва ҳолатларга масъул Ахура Мазда томонидан яратилган қуйи руҳлар, фаришталар.
ЯНГИ АҲД – «Библия» қисмларидан бири. Тўрт Инжил, Ҳаворийлар фаолияти китоби, 21 та ҳаворийнинг номала­ри ва Юҳаннонинг «Ваҳийномаси» ни ўз ичига олган, 27 китобдан иборат.
ЯСНА – диний маросимларда ўқиладиган дуолардан иборат бўлган 72 бобли «Авесто»нинг бўлими.