Murakkab sharoitlarda neft va gaz quduqlarini qazish

5.4. Burg’ilash nasoslari va ularning

turlari

Burg’ilash nasosi quduqlarga yuvish eritmalarini haydashga mo‘ljallangan mashina. Burg’ilash jarayonida gorizontal, porshenli, qo‘sh harakatli, bir, ikki va uch silindrli, uzatmali, markazdan qochma harakatli va boshqa turlari qo‘llaniladi. Nasoslarning asosiy parametrlari ma’lum vaqt birligi ichida haydaladigan suyuqlik miqdori bilan aniqlanadi. Shuningdek gazlarni siqish yoki siyraklashtirish, sochiluvchan jismlarni so‘rish va haydashga mo‘ljallangan mashina ham nasos deb yuritiladi.

Nasoslar ish bosimiga qarab past bosimli (20 m gacha), o‘rta bosimli (20-60 m) va yuqori bosimli (60 m dan yuqori) bo‘ladi.

Tishli uzatma moy vannasida ishlaydi. Nasosning gidravlik qismi ikkita to‘sqich (klapan) qutichadan tashkil topgan.

Bu to‘sqichlarning har biri bir xil o‘lchamli ikkitadan so‘ruvchi va haydovchi to‘sqichlarga ega. Nasosda hammasi bo‘lib sakkizta to‘sqichlar bo‘ladi. To‘sqich qutilariga tashqi o‘lchamlari bir xil bo‘lgan almashtirilib turiladigan silindrik vtulkalar joylashtirilgan. Uning ichiga o‘zi boshqariladigan rezina manjetli porshen o‘rnatilgan. Porshenga harakat shtokdan uzatiladi. U o‘z navbatida kreytskopga rezba yordamida birlashtiriladi. Odatda, uzatmali va gidravlik nasoslar bitta ramaga o‘rnatiladi.

Burg’ilash nasosining suyuqlik uzatishi quyidagi formulada aniqlanadi:

(7.6)

q m-nasosdagi silindrlar soni; F=0,785D²-silindr kesimining maydoni (D-silindrli vtulkaning ichki diametri); =0,785d²-shtok porsheni kesimining maydoni (d-shtok porsheni diametri); l- porshenning yurish uzunligi; п-tirsakli valining aylanish chastotasi, ayl/min; К-to‘ldirish koeffitsenti.

К - asosan yuvish eritmasining xossasiga, porshen va to‘sqichlarning yeyilish darajasiga, nasos sig‘imining o‘rnatilish usuliga bog‘liq. Agar yuvuvchi eritma sifatida suyuqlik foydalanilsa yangi porshen va to‘sqichlarda K ni qiymati 0,9 ga teng bo‘ladi. Porshenning yeyilishiga qarab К qiymat 0,5-0,6 va undan pastroq bo‘lishi mumkin.

5.17-rasm. F-1000 Burg’ilash nasosi sxemasi. 1-himoya korpusi. 2-Shatun.3-Krivaship.4-porshin krivashipga ulangan qismi