Murakkab sharoitlarda neft va gaz quduqlarini qazish

3.8-rasm. Tal bloki tabiy ko’rinishi. KR- tal bloklari.
Kronbloklar.

Kronblok metall ramaga o‘rnatilgan bir nechta g‘altaklardan iborat. UKBA-7-500 turdagi kronblokni ko‘rinishi 2.6-rasmda tasvirlangan.

3.9-rasm. Karanblok strukturaviy ko’rinishi.

1-g‘altaklar o‘rnatilgan balka; 2-to‘sqich; 3,4-g‘altak o‘qlarining tayanchi; 5-yordamchi g‘altak; 6,7-g‘altaklar; 8-mashina kalitlarini osish uchun o‘rnatilgan g‘altaklar.


3.10-rasm. Karanblok.

Kryukoblok (ilgakli blok)

Kryukoblok tal sistemasini harakatlanuvchi qismi bo‘lib, burg’ilash quvurlarni tushirib ko‘tarishga, mustahkamlovchi quvurlarni tushirishga, ularni osiq holda tutib turishga xizmat qiladi. Kryukoblok korpus ichiga o‘rnatilgan g‘altaklar va unga osilgan ilgakdan iborat. Kryukoblokning ko‘rinishi va texnik tavsiflari 2.9-rasmda keltirilgan.

3.11-rasm. Kryukoblokning seximatik ko‘rinishi.

Tal bloki va ilgaklar alohida-alohida ham bo‘ladi. Lekin, hozirgi paytda tal blokiga ilgakni birlashtirib ularni kryukoblok nomi bilan ishlab chiqarilmoqda.

3.12-rasm. Krukkoblok umumiy ko’rinishi.

Tal bloklari bilan biriktiriladigan burg‘ilash ilgaklari alohida ilgak yoki ilgaklar kо‘rinishida tayyorlanadi. Ular burg‘ilash va himoyalash tizmalarini tushirish va kо‘tarish ishlarida, shtrop yordamida elevatorga osib qо‘yishda, burg‘ilash jarayonida vertlyug bilan burg‘ilash tizmasini osishda hamda burg‘ilash va montaj-demontaj ishlarida yuklarni kо‘tarishda, tushirish va kо‘tarib turishda xizmat qiladi. Konstruksiyasi bо‘yicha bir, ikki va uch shoxli bо‘ladi. Hozirgi vaqtda ikki va bir shoxli ilgaklar qо‘llanishdan chiqarilgan.

Uch shoxli ilgaklar, ilgakning yonidagi birorta shoxiga birg‘ilash boshlanishida shtrop ilinsa, quduqni burg‘ilab bо‘lguncha ham olinmaydi, natijada burg‘ilash brigadasining ishini yengillashtiradi va vaqtni tejaydi. Ilgaklar tayyorlanishiga muvofiq bog‘langan, plastinka tuzilmali va qо‘yma bо‘ladi. Tal blokining harakatlanuvchi qismlaridan biri bu ilgak blokdir.

e) Vertlyug.

Vertlyug tal sistemasi va burg’ilash quvurlari birikmasini bir-biriga bog‘lovchi jihoz. Vertlyug burg’ilash quvurlarini aylantirishga, bir vaqtda nasosdan kelayotgan suyuqlikni o‘tkazib, tubga yuborishga moslangan. Vertlyug og‘ir yukni ko‘tarishi va yuqori gidravlik bosimni tutishi lozim. Vertlyugning ko‘rinishi



3.14-rasm. Vertlyug sxematik va haqiyqiy ko’rinishi

j) Tal arqoni-chig‘ir bilan ilgakli tal bloki orasida bog‘lovchi vazifasini bajarib, tal sistemasi bajaradigan hamma ishlarda ishtirok etadi. Tal arqonini tayyorlashda mustahkamlik chegarasi 16,0-18,0 MPa bo‘lgan yuqori uglerodli va yuqori marganetsli po‘latlardan foydalaniladi.

Burg’ilash qurilmalarida tal sistemasining doiraviy shakldagi olti o‘ramli po‘lat arqonlari keng qo‘llaniladi. Undan tashqari ishlab chiQarishda, ayniqsa burg’ilash ishlarida har xil o‘lchamli jelonkali va ruxlangan arqonlar ishlatiladi.