Murakkab sharoitlarda neft va gaz quduqlarini qazish

11.2. Ushlanilgan burg’ilash asbobini tal yordamida ko’tarish va rotor yordamida aylantirish

Burg’ilash asbobi ushlanilganda uni bartaraflash uchun qo’llaniladigan eng birinchi tadbir, bu ushlanilgan asbobni mustahkamlik zahira koeffitsentini, oquvchanlik chegarasini hisoblagan holda tal yordamida ko’tarish va mumkin bo’lgan aylantirishlarni e’tiborga olgan holda rotor yordamida aylantirish kerak. Ushlanilgan burg’ilash asbobini tal yordamida ko’targanda yoki rotor yordamida aylantirganimizda burg’ilash eritmasining aylanma harakatini jadallashtirish lozim.

Tortish vaqtida burg’ilash quvurlarini mustahkamlik xarakteristikalariga katta e’tiborni qaratish kerak. Ba’zi bir xolatlarda qurg’ilash korxonasi bosh muhandisi ruxsati bilan kolonnani tortishda quvurning mustahkamlik zahirasini 1,3 deb olinadi, lekin bu holatda tal sistemasi, lebetkaning tormozi, minora, og’irlik indikatorini sinchiklab tekshirish shart.