Murakkab sharoitlarda neft va gaz quduqlarini qazish

3.5-rasm. Burg’ilash arqoni g’altaki (taliviy baraban).

b) Tal sistemasi. Burg’ilash qurilmasining tal sistemasi chig‘ir barabanining aylanma harakatini ilgakning ilgarilanma harakatiga aylantirishga hamda arqon tarmoqlarining yukini kamaytirishga mo‘ljallangan.

Burg’ilash qurilmasining tal sistemasi asboblarni tushirish va ko‘tarish, burg’ilash jarayonida burg’uni quduq tubiga uzatish, mustahkamlovchi quvurlarni quduqqa tushirish va quduqda sodir bo‘ladigan har xil asoratlarni bartaraf qilish ishlarini bajaradi. Yuk ko‘taruvchanligiga va arqon o‘rami soniga qarab tal sistemasi har xil tur o‘lchamlarga ega bo‘ladi: masalan, yuk ko‘taruvchanligi 50-75 qurilmalarda shkivlar soni 2x3 va 3x4, yuk ko‘taruvchanligi 100-300 qurilmalarda esa shkivlar soni 3x4, 4x5, 5x6 va 6x7 bo‘lgan tal sistemalaridan foydalaniladi. Tal sistemasi tarkibiga kronblok, tal bloki, ilgak va ilgak bloki kiradi.

v ) Tal bloki. Alohida ilgaklarga yoki ilgakning blok qismiga birlashtirilgan kronblok tal arqoniga ilib qo‘yiladigan tal sistemasining harakatchan qismidir. Tal bloki payvandlangan korpusdan iborat bo‘lib, unga shkivlar va podshipnikning tugunlari joylashtirilgan. Tal blokining yuk ko‘tarish qobiliyati 10, 12, 20, 25, va 35 tonnaga teng.
3.6-rasm. Tal tizimi tuzulishi.

1-korpus; 2-skoba; 3-kronshteyn;4-kryuk;5-podushka; 6-zakyolka; 7-stopor; 8-zamok; 9-prujina; 10-palis; 11-podshipinik oporniy; 12-stvol; 13-gayka stvolla; 14-sheyka; 15-shkiv kanatniy; 16-os;

17-kranshten; 18-korjux.




3.7-rasm. Tal bloki strukturasi. 1-korpus. 2-asos. 3-moylovchi shkif. 4- pstki o’q. 5-shkiflar.6-pachumnik.7-markaziy o’q.