Murakkab sharoitlarda neft va gaz quduqlarini qazish

9-Ma’ruza darsi: Qiya va gorizantal quduqlarni burg‘ilash

1. 
   Quduqlarni qiya yo‘naltirish usullari
   

Tub dvigatellari bilan quduqni qiya yo‘naltirishda burg’uni vertikal o‘qdan chetga chiqarish uchun maxsus og‘diruvchi asbob qo‘llaniladi. Og‘diruvchi asbob sifatida egilgan quvur, egri o‘tkazgich va ekssentrik nippel ishlatiladi. Bu asboblar turbobur yoki vintli dvigatellarni ustiga o‘rnatiladi. Shuning uchun bu yig‘indini quduq ichiga tushirilganda taranglik kuchi paydo bo‘ladi. Taranglik kuchi burg’uni vertikal o‘qdan chetga itaradi. Burg’u quduqni egri profilda burg‘ilaydi. Hisobdagi egrilikka erishilgandan so‘ng quduq to‘g‘ri chiziqli qiya yo‘nalishda burg‘ilanadi.