Мундарижа нодирбек Сайфуллаев

Annotation: 
The role of spiritual factors in the development of ideal immunity in children. 
The role of spiritual factors in the development of ideal immunity in adolescents. The author focuses 
on the spiritual factors of the problem. In particular, the role of spiritual values in enhancing the 
spiritual qualities of young people is analyzed.
Key words: 
youth, ideological immunity, spiritual values, cultural factors, society, values.
Халқимизнинг асрлардан асрларга 
мерос бўлиб келаётган миллий қадриятлари 
узоқ тарихий жараёнда шаклланиб, ҳар 
бир ижтимоий-тарихий даврнинг илғор 
жиҳатларини 
ўзида 
мужассам 
этиб 
келган. Уларнинг ўтмиши минглаб йиллар 
давомидаги даврни ўзида мужассамлаштириб, 
аждодларимиздан қолган бебаҳо намуналар, 
миллий ғоянинг тадрижий такомили 
сифатида ҳам эъзозлидир. 
Султонмурод Олимнинг таъкидлашича: 
“Миллий мафкура бир-икки йил, ҳатто бир- 
икки ўн йилликларда ҳам шаклланадиган 
нарса эмас. Ўзбек халқи камида уч 
минг йиллик миллий тарихга, миллий 
давлатчиликка эга экан, демак, миллий 
мафкура ҳам камида шунча тарихий йўлни 
босиб ўтган. Аждодларимиз томонидан 
яратилган миллий-маънавий қадриятларимиз 
она юртга эҳтиром, авлодлар хотирасига 
садоқат, катталарга ҳурмат, кичикларга иззат, 
ҳаё, андиша кабиларнинг устуворлиги билан 
ҳам белгиланадики, ушбу жиҳатларнинг 
тарғиби ёшлар онгида ёт ғояларга қарши 
иммунитетнинг ривожланишида етакчи 
омил бўлиб ҳисобланади.
Ўзбекистон мустақилликка эришиб, 
мамлакатнинг тараққиёт режалари, келажаги 
масалалари кун тартибига қўйилгач, 
ривожланишнинг 
фақат 
иқтисодий 
жиҳатларигина эмас, маънавият масаласига 
ҳам эътибор бериш зарурати кун тартибидан 
ўрин олди.
“Маънавият” атамасининг негизида 
арабча “маъни” сўзи ётиб, у маъно, мазмун 
каби ибораларнинг моҳиятини ифодалайди. 
Маънавият – кенг қамровли тушунча бўлиб, 
уни бир жумлада ифодалаш ниҳоятда мушкул.