Mundarija Kirish I. Bob. O’zbekistonda suv havzalari va ulardan foydalanish holati

Nadejda Proxorova, Suv resurslarini muhofaza qilish va kompleks foydalanish ilmiy-tadqiqot instituti direktori (Rossiya):
– Mamlakatingizda Orol fojiasining salbiy ta’sirini kamaytirish, aholi turmush sharoitini yanada yaxshilash, mintaqa suv muammolarini hal etish borasida ulkan ishlar amalga oshirilmoqda.
Rossiyaning ayrim tumanlarida suv tanqisligi hali hanuz katta muammo. Qariyb qirq yildan buyon faoliyat yuritayotgan institutimiz Rossiyada suv xo‘jaligi sohasida yuzaga kelayotgan ana shunday muammolarni bartaraf etish, suv resurslaridan foydalanish, suv muhofazasi bo‘yicha malakali kadrlar, ekologlar tayyorlash bilan shug‘ullandi.
Suvsiz yashash mumkin emasligi barchaga ma’lum. Suv resurslari esa cheklangan. Mamlakatingizning ushbu masalani ijobiy hal qilish, uning oqibatlarini bartaraf etishga jahon hamjamiyatining e’tiborini keng jalb etish borasidagi sa’y-harakatlari eng to‘g‘ri yo‘ldir.
Joel Rizk, “EastWest” instituti mintaqaviy xavfsizlik dasturi muvofiqlashtiruvchisi (Belgiya):
– Suv resurslari – barcha mamlakatlarning iqtisodiy rivojlanishida muhim omildir. Toshkent anjumani suv bilan bog‘liq qator dolzarb masalalarni, jumladan, suv xavfsizligi, suvdan to‘g‘ri foydalanish, Orol bilan bog‘liq ekologik inqirozning aholi genofondiga, o‘simlik va hayvonot olamiga ta’siri, Amudaryo va Sirdaryoda ratsional oqimni ta’minlash bilan bog‘liq masalalarni muhokama etish va muayyan yechimlarni topishda katta ahamiyatga ega. Ta’kidlash joizki, transchegaraviy daryolarning yuqori qismida yangi yirik gidroenergetika inshootlarini qurishdan oldin uning keltirib chiqarishi mumkin bo‘lgan oqibatlarini o‘ylab ko‘rish zarur.
Sagit Ibatullin, Xalqaro Orolni qutqarish jamg‘armasi ijroiya qo‘mitasi raisi (Qozog‘iston):
– Suvni boshqarish va undan samarali foydalanish bugungi kunning dolzarb masalalaridandir. Bunday muammolarni muhokama etish uchun mazkur xalqaro konferensiyaning tashkil etilgani juda qulay imkoniyatdir.
O‘zbekiston Respublikasi Prezidenti Islom Karimov tashabbusi bilan mamlakatingizda atrof-muhitni muhofaza qilish, ekotizimni yaxshilash, xususan, suv resurslaridan oqilona foydalanish, bu boradagi muammolarga barham berish bo‘yicha keng ko‘lamli islohotlar amalga oshirilayotir. Mamlakatingizda bu yo‘nalishda yuqori malakali kadrlar ko‘p.