Mundarija kirish I bob. O’quvchilarning bilim,ko’nikma va malakalarini tashhis etish

O`yinning tafsiloti. Simdan yasalgan detallarning ko`rinishlari tasvirlangan plakatni doskaga ilib, yaqqol tasvirlari esa to`sib qo`yiladi. Hamma o`quvchilarga sim bo`laklari tarqatiladi va simdan yasalgan detallarning ko`rinishlarga qarab, ularning modellarini yasash tavsiya etiladi. Simdan yasaladigan model qismlari orasidagi nisbatlar taxminiy olinishi, sim bo`lagining ortib qolgan qismini kesib tashlash yoki buklab qo`yish mumkin. O`quvchilar modelni yasashda qiynalsalar, detallarning yaqqol tasvirlari biroz vaqt ochib qo`yiladi.
Eslatma. O`yinni o`tkazishdan oldin o`quvchilar bilan bilan simdan har xil burchaklar, kvadrat, parallelogram, romb, aylana va hokazolarning modellarini yasab, ularning ko`rinishlarini chizish yaxshi natija beradi.

2-chizma.
3-o`yin. Aylanma qur’a. O`yinning sharti. Qur`aning ko`rsatgichi to`g`ri kelgan chizmalarni o`qish.
Maqsad.O`quvchilarning chizmalar chizish bo`yicha olgan bilimlarini takomillashtirish, ularda ziyraklik, topqirlik va hozir javoblikni tarbiyalash hamda chizmalarni o`qish bilimini mustahkamlash.
Jihozlar.3-chizmada tasvirlangan doira ichidagi kataklarga detallarning yaqqol tasvirlari maxsus shaffof moslamalar ichiga joylashtirib chiqiladi. Har oltita detalning ko`rinishlari ko`rsatilgan konvertlarga solib qo`yiladi. Aylanma qur`ani bolalarning pildiroq (yula) o`yinchog`iga ko`rsatgich (strelka) o`rnatib tayyorlash mumkin.

3-chizma.
O`yinning tafsiloti. Qur`a aylantiriladi va uning ko`rsatgichi qaysi detalning
yaqqol tasviri ro`parasida to`xtasa, o`sha detalning ko`rinishlari darrov topilishi kerak. Ularni tegishli konvertdan qidirish kerak. O`yin shu tartibda davom ettilriladi.O`yin qiziqarli o`tishi uchun aylanma qur’a ko`rsatgichi biron detalning tasviri ro`parasiga kelib to`xtagandan so`ng o`qituvchi birdan o`ngacha sanay boshlaydi. Shu paytda o`quvchi konvertni ochib ichidagi oltita detalning ko`rinishlari ichidan kerakli, ya`ni mos keladigan ko`rinishni topib, detalning yaqqol tasviri yoniga qo`yib ulgurishi lozim, aks holda yutuq qo`ldan ketadi. O`yinning shartini to`liq bajargan o`quvchi g`olib hisoblanadi va rag`batlantiriladi.