Mundarija Kirish i-bob. Ko'plik taqqoslanishlar

Belgi	Minoga	Antilopa	Oqbosh suvburgut	Alligator
Dengiz okuni
Oʻpka	0	+	+	+	0
Jagʻ	0	+	+	+	+
Pat	0	0	+	0	0
Halqum	0	0	+	+	0
Yung	0	+	0	0	0

2-jadval. Robert Bear va boshqalar CC BY 4.0 ʼga tegishli “Taxonomy and phylogeny: Figure 4” (Taksonomiya va filogeniya: 4-rasm) nomli jadval oʻzgartirib olindi.
Endi organizmlar guruhining oʻxshash belgilariga asoslanib filogenetik daraxt qurishga kirishishimiz mumkin. Birinchi navbatda eng koʻp organizmlarda uchraydigan belgini tanlaymiz. Bizning misolimizda bu jagʻning boʻlishidir. Tashqi guruh (minoga)dan tashqari barcha organizmlarda jagʻ bor. Shuning uchun daraxtdan birinchi boʻlib minoga boshqa turlardan shoxlanib chiqadi. Qolgan barcha organizmlarni esa jagʻ mavjud boʻlgan guruhga kiritamiz.

9-rasm.
Rasm Robert Bear va boshqalar CC BY 4.0ʼga tegishli Taxonomy and phylogeny: Figure 6 (Taksonomiya va filogeniya: 6-rasm) nomli grafik materialga asoslangan.
Endi ikkinchi oʻrinda eng koʻp tarqalgan belgini qidiramiz. Bu belgi oʻpka boʻlib, u antilopa, oqbosh suvburgut va alligatorda bor, dengiz okunida esa yoʻq. Bunga asoslanib dengiz okunining oʻpkaga ega boshqa turlardan (antilopa, oqbosh suvburgut va alligator) shoxlanib, chiqib ketishini chizishimiz mumkin.

10-rasm.
Rasm Robert Bear va boshqalar CC BY 4.0ʼga tegishli Taxonomy and phylogeny: Figure 6 (Taksonomiya va filogeniya: 6-rasm) nomli grafik materialga asoslangan.
Shu yoʻsinda davom etib, keyingi oʻrinda keng tarqalgan belgini qidiramiz. Bu belgi halqumning mavjudligi boʻlib, u alligator va oqbosh suvburgutda bor, antilopada esa yoʻq. Bunga asoslanib antilopaning halqumga ega organizmlardan (alligator va oqbosh suvburgut) shoxlanib chiqishini chizishimiz mumkin.

11-rasm.
Rasm Robert Bear va boshqalar CC BY 4.0ʼga tegishli Taxonomy and phylogeny: Figure 6 (Taksonomiya va filogeniya: 6-rasm) nomli grafik materialga asoslangan.
Yung va pat singari qolgan belgilar-chi? Bu belgilar yangi paydo boʻlgan boʻlsa-da, ular faqat bir tur vakillarida uchraydi. Umumiy boʻlmagan yangi paydo boʻlgan belgilar filogenetik daraxtni qurishda yordam bermaydi. Shunga qaramasdan, ularni toʻgʻri joylashtirish mumkin. Masalan, pat oqbosh suvburgut shoxlangan joyga, yung esa antilopa shoxlangan joyga qoʻyiladi.

12- Rasm Robert Bear va boshqalar CC BY 4.0ʼga tegishli Taxonomy and phylogeny: Figure 6 (Taksonomiya va filogeniya: 6-rasm) nomli grafik materialga asoslangan.