Mundarija Kirish Asosiy qism

 
 
 
 
 
 
 
 
 
 
 
 

---

3. Investitsiya dasturining amalga oshirilishi monitoringi 
Monitoring, eng avvalo, loyihaning moliyalashtirishga mablag' berish 
bitimiga tegishli bo'lgan barcha hujjatlarni va ularning shartlari bajarilishini, 
ularning bank-kredit siyosatiga qabul qilingan me'yorlar va tartiblarga 
muvofiqligini davriy tekshirib borishni o'z ichiga oladi. Navbatdagi qadam 
qarzdorning moliyaviy layoqa- tini baholash bo'lib, uning balansini, foyda va 
zararlar to'g'risidagi hisobotini hamda mijozning moliyaviy-xo'jalik faoliyatini 
tavsiflov- chi boshqa hujjatlarni tahlil qilish asosida amalga oshiriladi.
Monitoringning yana bir muhim tomoni kreditni qoplashning ikkilamchi 
manbayi uning qaytarilishining ta'minotini tekshirish hisoblanadi. 
Bugungi kunda respublikamizda har yili yuzlab loyihalarni moliyalashtirish 
amalga oshirilmoqda. Bu loyihalar davlat budjeti mablag'lari, xalqaro moliya 
institutlari kredit liniyalarining mablag'lari hisobiga, budjetdan tashqari fondlar, 
banklar, chet ellik va xususiy investorlar tomonidan moliyalashtirilar ekan, albatta, 
bu mablag'larining qaytarilishi va ma'lum miqdorda ularning foyda bilan 
ta'minlanishi talab etiladi. Ushbu mablag'larning muayyan foydasi bilan 
qaytishligini aniqlash, tekshirib borish va tahlil qilib turish uchun kreditorlar 
tomonidan, shuningdek, mol yetkazib beruvchilar, xususan, lizing, sug'urta 
kompaniyalari va kafillik beruvchi tashkilotlar tomonidan loyihalarning 
monitoringi olib boriladi. 
Bugungi kunda O'zbekiston Respublikasida ham moliyalash- tirilayotgan 
barcha loyihalar ustidan monitoring olib borishning umumiy tizimi joriy qilingan. 
Har bir moliyalashtiruvchi yoki kreditlashni amalga oshiruvchi tashkilotlar 
o'zlarining faoliyat turi va xususiyatlaridan kelib chiqib, o'zlariga xos bo'lgan 
monitoring o'tkazish tartibini ishlab chiqadilar va shu asosida faoliyat yuritadilar. 
Monitoringning mazmuni «ko'zgu» degan ma'noni anglatadi. 

---