Mundarija kirish 2

Tashqi savdo balansining manfiy saldosi 2020 yilda 2019 yilga nisbatan 11,6 foizga kamayib, 6 043,8 mln. AQSh dollarini tashkil etgan.
Oltin-valyuta zaxiralari 2020 yil davomida 6,3 mlrd. AQSh dollariga ortib, 34,9 mlrd. AQSh dollariga yetdi.

Mamlakatni ijtimoiy-iqtisodiy rivojlantirishning 2021 yilgi

kutilayotgan yakunlari
COVID-19 pandemiyasi tufayli o‘tgan yilgi iqtisodiy inqirozdan so‘ng, jahon iqtisodiyoti tezkor, lekin notekis tiklanishni boshdan kechirmoqda. Rivojlangan davlatlar tiklanayotgan bo‘lsada, dunyoning ko‘plab daromadi past mamlakatlari ortda qolmoqda va pandemiyaning ijtimoiy va iqtisodiy oqibatlarini bartaraf etish uchun qo‘shimcha mablag‘lar talab etiladi. Shu bilan birga, COVID-19 pandemiyasining qo‘shimcha to‘lqinlari emlashning sust kechishi, qarz miqdorining oshishi yoki inflyatsion bosimning ortishi muvaffaqiyatsizlikka olib kelishi mumkin.
Xalqaro valyuta jamg‘armasining 2021 yil aprel oyidagi jahon iqtisodiyoti bo‘yicha prognozidan iyul oyidagi prognozlarida mamlakatlar bo‘ylab farq qilganligini kuzatish mumkin. Jamg‘armaning ta’kidlashishicha, global iqtisodiyotni ikki guruhga bo‘lish mumkin, birinchi guruh: 2021 yil yakunida (deyarli barcha rivojlangan iqtisodiyotlar) iqtisodiyotni yanada barqarorlashishini kutayotganlar hamda ikkinchi guruh: hali ham qayta tiklanadigan infeksiyalar va COVID-19ni yanada tarqalishini kutayotganlar. Natijada infeksiya darajasi juda past bo‘lgan mamlakatlarda ham tiklanish kafolatlanmagan. Shu sababli emlash jarayonlarini jadallashtirish va infeksiya tarqalishini oldini olish iqtisodiyotning tiklanishiga muhim omil hisoblanadi.
Xalqaro valyuta jamg‘armasining iyul oyidagi hisobotiga ko‘ra, emlash jarayonlarining jadallashuvi hisobiga 2021 yilda jahon iqtisodiyotidagi o‘sish sur’atlari yil boshidagi prognozlarga (5,5 foiz) nisbatan tezroq sur’atlarda tiklanishi va 6 foizni tashkil etishi baholangan.
Bunda, rivojlangan davlatlarda o‘sish sur’ati 5,6 foiz (yanvar oyidagi prognoz – 4,3 foiz), rivojlanayotgan davlatlarda – 6,3 foiz (6,3 foiz) va kam daromadli mamlakatlarda – 3,9 foizni (5,1 foiz) tashkil etishi kutilmoqda.
Shuningdek, dunyoda vaksina ishlab chiqarish quvvatlarining yetarli emasligi (i) rivojlanayotgan va rivojlanishi past bo‘lgan davlatlar orasida vaksinasiya jarayonlarining notekis taqsimlanishi hamda (ii) fiskal imkoniyatlarning cheklanganligi global iqtisodiy o‘sish sur’atlariga xavf soluvchi asosiy xatar sifatida qaralmoqda.
1-jadval