Mundarija: I. O‘quv materiallar 1 Ma’ruza mashg‘uloti materiallari

32.MAVZU.Trener shaxsi va faoliyatining psixologik 
harakteristikasi. 
Reja: 
1.Trenerning pedagog sifatida umumiy psixologik hususiyatlari. 
2.Trenerni boshliq sifatida asosiy funksiyalari: informasion, o‘rgatuvchi, tarbiyaviy, 
boshqaruvchi, administrative. 

---

Mansab obro‘si xizmatining ahamiyati, mansab egasining huquqlari va 
vazifalari bilan izohlanadi. Shaxsiy obro‘ esa muayyan ijtimoiy vazifani ado 
etuvchi insonning individual xususiy fazilatlari bilan belgilanadi.
Trener rasmiy jihatdan egallab turgan vazifasiga muvofiq ravishda o‘ziga xos 
huquq va obro‘ga egadir. Ammo mansab obro‘si xar doim shaxs obro‘siga 
muvofiq kelavermaydi.
Trenerning obro‘sini asosan unga xos bo‘lgan quyidagi fazilatlar ta’minlaydi:
mehnatga halol munosabatda bo‘lish, rostgo‘ylik, haqqoniylik, kamtarinlik,
intizomlilik, o‘quv va mashg‘ulot jarayonlariga ijodiy, navatorlik bilan yondashuv,
kuzatuvchanlik, analitik tafakkur yurita bilish, maxsus intuitsiyaga ega bo‘lish va 
hokazolar. Bulardan tashqari trenerning obro‘si yuqori ishchanlik qobiliyati, sabr-
matonatlilik, o‘z - o‘zini boshqara olish, murakkab vaziyatlarda o‘ziga ishongan 
holda harakat qila olish kabilar ham tashkil etadi. Trenerning obro‘si, shuningdek 
uning qanchalik muomala qila bilishi, e’tiborliligi, g‘amxo‘rligi, boshqalarga 
nisbatan hurmat va xayrixohlik bilan munosabatda bo‘la olishi, o‘zaro 
hamkorlarini tushuna olishi, o‘zgalarga xolis va adolatli baho berishi,
talabchanlikdagi adolatliligi, muomala madaniyatiga ham bog‘liqdir.
Trenerdan yaxshi tashkilotchilik qobiliyatiga ega bo‘lish ham talab qilinadi.
Yaxlit va do‘stona jamoani tashkil eta bilgan trener jamoa a’zolarining barchasida 
katta obro‘ qozonadi. Bu ayniqsa sportning jamoaviy turlari uchun o‘ta muhimdir. 
Trenerning bilimi va tajribasi uning ko‘nglidagi mehribonlik hamda 
g‘amxo‘rlik tuyg‘ulari bilan uyg‘unlashgan holda sportchilarning unga bo‘lgan 
samimiy va o‘zaro ishonchli munosabatlarining shakllanishiga ko‘maklashadi. bu
fazilatlar agar amaliyotda ham namoyon bo‘lsa, ular trenerning obro‘sini
sportchilar ko‘z o‘ngida yanada ko‘tarib yuboradi.