Jamg‘arib boriladigan pensiya to‘lovlarini olish tartibi Jamg‘arib boriladigan pensiya tizimida ishtirok etuvchi fuqarolar pensiya to‘lovlari oluvchi sifatida jamg‘arib boriladigan pensiya to‘lovlarini qonun hujjatlariga muvofiq davlat pensiyasini olish huquqi yuzaga kelgan taqdirda olish huquqiga ega.
Fuqaro vafot etgan taqdirda, shaxsiy jamg‘arib boriladigan pensiya hisobvarag‘ida jamg‘arilgan mablag‘lar qonun hujjatlarida belgilangan tartibda merosga o‘tadi va merosxo‘rga bir yo‘la to‘la hajmda to‘lanadi.
Fuqaro O‘zbekiston Respublikasi hududidan tashqariga doimiy yashash joyiga chiqib ketayotgan bo‘lsa, shaxsiy jamg‘arib boriladigan pensiya hisobvarag‘ida jamg‘arilgan mablag‘lar bir yo‘la to‘la hajmda to‘lanadi. Jamg‘arib boriladigan pensiya ta’minoti to‘g‘risida”gi Qonunining 10 moddasi hamda “Fuqaroni jamg‘arib boriladigan pensiya tizimida hisobga qo‘yish bo‘yicha davlat xizmatlari ko‘rsatishning ma’muriy reglamentini tasdiqlash to‘g‘risida”gi 238-sonli qaroriga asosan jamg‘arib boriladigan pensiya tizimga hisobga olish “Davlat xizmatlari markazi” (Yagona darcha) yoki yagona davlat interaktiv xizmatlar portali (my.gov.uz sayti) orqali amalga oshiriladi va onlayn rejimda jamg‘arib boriladigan pensiya tizimiga hisobga olinganligi to‘g‘risida xabarnoma beriladi, shundan so‘ng Xalq bankining http://cabinet.xb.uz:82/ sayti orqali “Jamg‘arib boriladigan pensiya tizimga ro‘yxatga olinganli to‘g‘risidagi ma’lumotnoma”ni chop etiladi.
Fuqaro O‘zbekiston Respublikasi hududidan tashqariga doimiy yashash joyiga chiqib ketayotgan bo‘lsa, shaxsiy jamg‘arib boriladigan pensiya hisobvarag‘ida jamg‘arilgan mablag‘lar bir yo‘la to‘la hajmda to‘lanadi. Jamg‘arib boriladigan pensiya to‘lovi fuqaroning yashash joyida (propiska) joylashgan Xalq banki filiali orqali amalga oshiriladi. Jamg‘arib boriladigan pensiya to‘lovini bir yo‘la yoki bo‘lib-bo‘lib olish mumkin. Yoshga doir pensiya va nogironlik pensiya bo‘yicha mablag‘ oluvchilarning pensiya to‘lovini olish xuquqi BTPJ (SOBES) ma’lumotlar bazasidan onlayn aniqlanadi. Xarbiy pensionerlar xarbiy pensionerlik guvohnomasi, chet elga ko‘chib ketuvchilar chiqish varaqasi (listok ubitya), meros bo‘yicha oluvchilar notarial tasdiqlangan meros bo‘yicha guvohnomasi (yoki vasiyatnoma) va o‘lim haqidagi guvohnoma taqdim etishlari kerak bo‘ladi.
Jamg‘arib boriladigan pensiya to‘lovlarini olish huquqi to‘g‘risidagi guvohnoma
Jamg‘arib boriladigan pensiya to‘lovlarini olishda tanlash huquqi
To‘lovlarni oluvchilar o‘zlari mustaqil ravishda belgilaydigan muddat mobaynida har oylik jamg‘arib boriladigan pensiya to‘lovlarini olishni yoki jamg‘arib boriladigan pensiya to‘lovlarini bir yo‘la olishni tanlash huquqiga ega.
Jamg‘arib boriladigan pensiya to‘lovlarini to‘lash
Jamg‘arib boriladigan pensiya to‘lovlarini oluvchining huquqlari va majburiyatlari
To‘lov jamg‘arib boriladigan pensiya to‘lovlarini oluvchiga bog‘liq bo‘lmagan sabablarga ko‘ra to‘xtatib qo‘yilganda yoki u to‘lanmaganda yoxud to‘lov tartibi va uning miqdori bo‘yicha nizoli masalalar paydo bo‘lganda oluvchi tuman (shahar) byudjetdan tashqari Pensiya jamg‘armasi bo‘limiga, uning yuqori tashkilotiga, Xalq bankining hududiy boshqarmasiga va boshqaruviga yoki sudga murojaat qilishga haqlidir.
Jamg‘arib boriladigan pensiya hisobraqamidagi mablag‘lar haqida mobil aloqasi orqali ma’lumot beruvchi “SMS-xabarnoma” xizmatiga ulanish tartibi bilan tanishish uchun o‘ting.
O‘zbekiston Respublikasi Moliya vazirligi huzuridagi Byudjetdan tashqari Pensiya jamg‘armasiga murojaat qilish uchun "1140" ishonch telefonlariga qo‘ng‘iroq qiling.
O‘zbekiston Respublikasi Xalq bankiga murojaat qilish uchun quyidagi "1106" ishonch telefonlariga qo‘ng‘iroq qiling.