Mundarija: I. Kirish II. Asosiy qism II

Kerakli jihoz va reaktivlar: probirkalar, stakanlar, kolba, o’lchov silindrlari, pipetka,  temir qoshiqcha, shisha tayoqcha, chinni kosacha, kristalizator, shtativ, spirt lampa, chinni tigel, distillangan suv, vodoprovod suvi, qo’rg’oshin (IV)-oksid PbO₂ (yoki surik Pb₃O₄). marganes (IV)-oksid MnO₂ (granulalari), o’yuvchi kaliy KOH, kaliy permanganat KMnO₄, bertole tuzi KC1O₃, marganes sulfat MnSO₄ ∙7H₂O, lakmusli qog’oz. nitrat kislota HNO₃ (kons.). sulfat kislota H₂SO₄ (kons. va 2n.). sulfit kislota H₂SO₃, sirka kislota CH₃COOH (2 n). oksalat kislota H₂C₂O₄, o’yuvchi natriy NaOH (40% )

1-tajriba. Marganes (Il)-gidroksidning olinishi va xossalari. Marganes sulfat eritmasiga o’yuvchi natriy eritmasidan qo’shing. Oq cho’kma - marganes (II)-gidroksid hosil bo’ladi. Reaksiya tenglamasini yozing. Suyuqlikning bir qismini, cho’kmasi bilan birga, probirkaga solib, havoga bir oz olib quying. Cho’kma asta-sekin qorayadi. Jarayonni tezlashtirish uchun probirkani chayqatish mumkin. Cho’kma rangining o’zgarish sababini tushuntiring. Reaksiya tenglamasini yozing. Tajribaning boshida olingan cho’kmaning qolgan qismini ikki probirkaga bo’ling. Biriga suyultirilgan kislota va ikkinchisiga mo’l ishqor qo’shing. Ikkala probirkadagi cho’kma ham eriydimi? Marganes (II)-gidroksidning xossalari haqida qanday xulosa chiqarish mumkin? Reaksiya tenglamasini yozing.