Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

Истиқбол режалари. 2006 йилда Жаҳон тараққиёт банки билан тузилган шартномага асосан 883 минг АҚШ доллари миқдоридаги инвестицияни киритиш, жумладан, 433 минг АҚШ доллари миқдоридаги қишлоқ хўжалиги техникалари, 450 кингАҚШ доллари миқдоридаги бир суткада 10 тонна ўсимлик мойини ишлаб чиқариш имконига эга завод қуриш ишлари олиб борилмокда. Шунингдек, «Хомийлар ва шифокорлар йили» да туман Марказий кутубхонасини таъмирлаш ва янги китоблар билан таъминлаш режалаштирилмоқда.
Тошкент вилоятидаги «Тўхтаниёз ота» фермер хўжалигининг натижалари ҳам диққатга сазовор. Мазкур фермер хўжалиги «Ташаббус-2006» кўрик-танлови Республика босқичида «Энг яхши фермер» йўналиши бўйича ғолиб деб топилган. Фермер хўжалиги раҳбари Мухтор Ҳожи Тўхтаниёзов.
Асосийфаолияти. Бўрдоқичилик, паррандачилик, гўштни қайта ишлаш ва макарон маҳсулотлари ишлаб чиқариш. Хўжаликда 26,8 гектар ер майдони мавжуд бўлиб, 162 бош қорамол, 1725 дона парранда боқилади.
Эришган ютуқлари. 2005 йилда фермер хўжалигида 183 тонна гўшт, 273 тонна колбаса маҳсулотлари ишлаб чиқарилган, 260,1 минг дона тухум етиштирилган. 2005 йил ҳосили учун экилган 5 га ғалладан жами 33,5 тонна ҳосил олиниб, ҳосилдорлик 67 ц/гани ташкил этган. Қолган 16 гектар ерга экилган маккажўхоридан 510 тонна, такрорий экилган маккажўхоридан 90 тонна, жами 600 тонна силос жамғарилган. 2005 йидда 962 млн. сўмлик даромад, 312 млн сўм соф фойда олинган. Ўз фаолиятини янада ривожлантириш учун Пахта банкдан 75 минг АҚШ доллари миқдорида кредит олиниб, макарон маҳсулотлари ишлаб чиқарувчи технологик линия сотиб олинган. Россиядан олиб келинган ушбу технология асосида бир суткада 3 тонна макарон маҳсулотлари ишлаб чиқарилади ҳамда 20 киши иш билан таъминланади. Тошкент фермер хўжалигининг 4 та махсус Дўкони ташкил этилган.Хўжалик томонидан ишлаб чиқарилган 2003 йилда Париж шахрида «Олтин сифат» белгиси берилган бўлса, 2004 йил Нью-Йорк шаҳрида бўлиб ўтган халқаро анжуманда «Платина сифат» белгиси соврини берилган. 2005 йил давомида жами 8 млн. сўмдан ортиқ хайрия ишларини амалга оширган.
Шунингдек 2004 йил Тошкент шахрида бўлиб ўтган «UzFood» халқаро ярмаркасида «Энг кўзга кўринган маҳсулот» номинацияси совриндори бўлган. Фермер хўжалиги раҳбари «Шуҳрат» медали билан тақдирланган.