Мундарижа бет

Полипропиленни хоссалари ва ишлатилиши

Изотактик полипропилен зичлиги 900-910 кг/м³, суюқланиш ҳарорати 165-170^оС га тенг бўлган қаттиқ термопластик полимер­дир.
Қуйида полипропиленнинг асосий физик-механик хоссалари кел­тирилган:

Молекула массаси	80000-200000
Чўзилишдаги бузилиш кучланиши, МПа	245-392
Узилишдаги нисбий узайиш, %	200-800
Зарбий қовушқоқлик, кДж/м^2	78.5
Бринелл бўйича қаттиқлик, Мпа	59-64
НИИПП усули бўйича иссиқбардошлик, ^оС	160
Юксиз ишлатиш мумкин бўлган ҳарорат, ^оС	150
Мўртланиш ҳарорати, ^оС	-5 дан -15 гача
Сув шимиши (24 с), %	0.01-0.03
Солиштирма ҳажмий қаршилик, Ом*м	10 14-10 15
Диелектрик йўқотишнинг тангенс бурчаги	0.0002-0.0005
50 Гс да диелектрик сингдирувчанлик	2.1-2.3

Полипропилен полиетиленларга нисбатан анча юқори иссиқбардошлика эга. Диелектрик хоссалари кенг ҳарорат чегарасида
сақланади. Жуда кам сув шимганлигидан уни диелектрик хоссалари нам муҳитда ҳам ўзгармайди.
Полипропилен полиетиленга нисбатан секинроқ ўз хусусиятлари­ни йўқотади ва агрессив муҳит таъсирида ёрилишга чидамлироқ бўла­ди.
Полипропилен пардалари юқори тиниқликка эга бўлиб, иссиқбар­дошлик, мустаҳкамлик ҳамда газ ва буғ сингдирувчанлиги билан аж­ралиб туради. Полипропилен толалари бақувват бўлиб, улардан тех­ник матолар, арқонлар, қоплар олинади.
Полипропилен олиш технологияси ушбу босқичларни ўз ичига олади: катализатор комплексини тайёрлаш, пропиленни по­лимерлаш, реаксияга киришмаган мономерни ажратиб олиш, катализа­тор комплексини парчалаш, полимерни ювиш, полимердан эритувчини сиқиб чиқариш, полимерни қуритиш, полипропиленга охирги ишлов бериш, эритувчини регенирлаш.
УГКМ да полипропилен ишлаб чиқариш схемаси қуйидаги зоналардан иборат:
- Катализатор тайёрлаш ва узатиш;
- Полимерланишгача ва полимерланиш;
- Дегазация ва мономерни ажратиш;
- Сополимерланиш;
- Полимерни ажратиш;
- Технологик жихозларни ювиш, тозалаш;
- Мономерни қайта ишлаш;
- Гранулалаш;
- Гранула холидаги махсулотни сақлаш.


Юқори босимда дегазациялаш
R-5202 реакторида хосил бўлган шлам реакторнинг пастки қисмидан тушириб олинади. Бу массанинг тахминан 50% и полимер ва 50% ини пропан ва пропен газлар аралашмаси ташкил этади. Бу шлам ярмини углеводородлар ташкил этар экан, уларни алохида ажратиш керак. Биринчи жараён (1) буғлатувчи барабанига боргунча буғлатувчи қувирда, юқори тезликда суюқликни тўлиқ буғлатишдан иборат. Буғлатувчи қувир қобиқли бўлиб, суюқликни буғлатиш қобиғига берилаётган буғ орқали амалга оширилади. Буғлатувчи қувир қобиғидаги буғ ҳароратни аниқлаш учун терморегулиятор ўрнатилган. Қобиққа берилаётган буғнинг босими каскадли бошқарув орқали ростланади. Яъни буғлатувчи барабаннинг (1) юқори қисмидан чиқаётган аралашма ҳароратига қараб (69÷79,6С), буғ берилиши (босими) ростланади. буғлатувчи барабан (1) юқори қисмидан газлар аралашиб чиққанда, пастки қисмида қаттиқ аралашма йиғилади, уларнинг ҳарорати ва минимал сатхи ушлаб турилади. буғлатувчи барабан (1) пастки қисмида йиғилган қаттиқ ва унда қолган газли аралашмадан намуна (2) орқали М-5602 га юборилади. Полипропиленнинг гомополимер, статик сополимер ёки учлик сополимер маркалари ишлаб чиқаришда барабани пастки қисмидан аралашма газ ажратувчи фильтрга юборилади. Блок сополимер ишлаб чиқаришда эса барабани (1) пастки қисмидан аралашма R-5401 газофазний реакторига юборилади. (1) барабанидан чиқаётган газ ҳарорати ва оқим тезлиги ростланиб турилади. Ҳароратни ростлаш буғлатувчи қувирга берилаётган буғ босими билан бошқарилади, бу вақда эса оқимни ростлаш буғлатувчи қувирдаги оқимига, реакторидан шламни тўкиб олиш тезлигига ва унга берилаётган пропилен оқими тезлигига ўзаро боғлиқ.