Мундарижа банк иши

8-расм. 2019 йил 1 январь ҳолатига мамлакатимизда энг кўп тўлов 
терминалларига хизмат кўрсатиб келаётган 10-та йирик банклар рўйхати. 
 
Юқоридаги расмдан шу маълум бўладики, 2019 йил 1 январь ҳолатига Агробанк 
томонидан 31,6 минг дона тўлов терминалларига хизмат кўрсатиб келинмоқда. Бу жами 
тўлов терминалларининг 12,9 фоизига тўғри келмоқда. Халқ банки 30,5 минг дона 
(жами тўлов терминалларнинг 12,5 фоизи), Ипотека банки 27,7 минг дона (жами тўлов 
терминалларнинг 11,3 фоизи), Миллий банк 24,1 минг дона (жами тўлов 
терминалларнинг 9,9 фоизи) ва Ҳамкорбанк эса 18,8 минг дона (жами тўлов 
терминалларнинг 7,7 фоизи) тўлов терминалларга хизмат кўрсатиб келмоқда. 
Шу билан бирга, банк хизматлари истеъмолчиларининг ҳуқуқлари ва қонуний 
манфаатларига, айниқса, ҳудудларда риоя этиш ҳамда молиявий очиқликни 
кенгайтириш, шунингдек, хизмат кўрсатиш маданияти ва банк тизимига бўлган 
ишончни янада ошириш мақсадида 2018 йил 23 мартда ПҚ-3620-сонли “Банк 
хизматлари оммабоплигини ошириш бўйича қўшимча чора-тадбирлар тўғрисида”ги 
Қарорга мувофиқ бир қанча муҳим вазифалар белгилаб берилди. Жумладан, 
Ўзбекистон банклари ассоциацияси ва тижорат банклари томонидан ишлаб чиқилган 
банкоматлар тармоғини қўшимча тарзда кенгайтиришнинг 2018 йилга мўлжалланган 
прогноз кўрсаткичлари белгилаб берилди. Мазкур вазифани таъминлаш мақсадида 
юртимизда 2019 йилнинг 1 январига келиб ўрнатилган банкомат ва инфокиосклар сони 
6 859 тани ташкил этди. Қуйида ўрнатилган банкомат ва инфокиоскларни сони 
тенденциясига оид чизмага эътибор қаратишингизни сўраймиз (9-расм): 

---

31 www.journal.bfa.uz 
9-расм. 2008-2018 йиллар давомида ўрнатилган банкомат ва
инфокиосклар сони динамиаси. 
 
Юқоридаги расмдан 2010 йилдан бошлаб банкомат ва инфокиосклар сезиларли 
даражада ортиб борганини кузатишимиз мумкин. Яъни, 2016 йилдан бошлаб банкомат 
ва инфокиосклар сони кескин оша бошлаганлигини кўришимиз мумкин. Бунга тегишли 
солиқ имтиёзлари, шунингдек бошқа стимуллаштирувчи омиллар сабаб бўлган.
2019 йил 1 январь ҳолатига энг кўп банкомат ва инфокиоскларга эга бўлган 
биринчи 10 таликка кирган банкларни қуйидаги чизмага мувофиқ кўриб чиқишимиз 
мумкин (10-расм).