Мундарижа: 1-Қонун. ҚАрор қабул қилинг

ЎНТА АМАЛИЙ МАСЛАҲАТ
Агар сизни қўрқув чулғаб олса қуйидаги ўн бўлимни ўқиб чиқинг:
1. Ўз-ўзингизга «Менинг аввалги қўрқувларим нима бўлди?» деб савол беринг. Шунда сиз ўтган даврдаги қўрқувларингизнинг максимум беш фоизи воқеликка айланганини тушуниб етасиз. Безовталигингиз нечоғлик асосли эканлиги ҳақида ўйлаб кўринг. Эҳтимол, сиз арзимаган нарса учун хавотирланаётгандирсиз?
2. Сизда мамнуният ҳиссини уйғотувчи беш нарсани ёзиб қўйинг. Ўз-ўзингизга: «Шу вақтгача ишларим жойида эди. Бундан буён ҳам шундай бўлади!» денг.
3. Биз қўрқаётган нарсаларнинг кўпи келажакда содир бўлиши, умуман содир бўлмаслиги ҳам мумкин. Бугунги кунга уларнинг мутлақо алоқаси йўқ. Унда нега бугун қийналишимиз керак?
4. Бугунги кун кўнгилдагидек тугашига ўзингизни ишонтиринг. Эртага эса яна бир шундай кун кутиб турибди. Ҳаёт алоҳида кунлар кетма-кетлигидан иборат.
5. Агар қўрқув ниҳоятда катта бўлса тезроқ ғолиб инсон билан мулоқотга киришинг. Унинг ҳузурида қўрқувингиз йўқолади. У ёки бу инсон шундай ҳолатда нима қилган бўлиши ҳақида ўйласангиз ҳам бўлади.
6. Иш билан машғул бўлинг. Албатта, қўрқув чегарадан чиқай деб турганда бу осон иш эмас, бироқ жуда муҳим. Чунки қўрқув юки айнан ишсиз, бекор ўтирган одамни янада қаттиқроқ босади.
7. Бу иш қўлингиздан келиш-келмаслиги ҳақида ўзингизга савол бера кўрманг. Савол бошқачароқ янграши керак: “Мен уни қай тариқа бажараман?” Нима бўлганда ҳам сиз тўғри ечимни топасиз.
8. Ўзингизни ижобий тасаввуротларингизни ишга солинг. Ўзингиз ҳақида охири бахайр тугайдиган қизиқ ҳикоя ўйлаб топинг.
9. Ўзингиз севган мусиқани тингланг. Қўрқув худда бўлмагандек йўқолади.
10. Муваффақият кундалигингизни тўлдиринг. Нақадар омадли инсон эканлигингиз ва арзимаган нарсалар учун безовта бўлишга ҳожат йўқлиги тезда эсингизга тушади.
ҚЎРҚУВ МАЛҲАМ ҲАМ, ЗАҲАР ҲАМ БЎЛИШИ МУМКИН
Баъзан қўрқувдан чегараланган меъёрда рағбатлантирувчи восита сифатида фойдаланиш мумкин. У билан худди заҳар билан бўлгандек муносабатда бўлиш керак. Керагидан ортиқроқ меъёр фалаж ва ўлимга олиб келиши, бироқ озроқ миқдори кучли таъсир этувчи дори бўлиши мумкин. Шу сабабли ғолиблар қўрқув импульсига унчалик қаршилик кўрсатишмайди, бироқ ўзларини тамоман унинг ихтиёрига ҳам топшириб қўйишмайди.
Fолиблар оз миқдордаги қўрқув яхшигина стимул (рағбатлантирувчи, олдинга ундовчи) бўлиши мумкинлигини аллақачон англаб етишган. Улар ўзларига шундай дейишади: «Мен янги қадам босиш олдидан қўрқувни ҳис қилмас эканман, демак бу кўзлаган қадамим мен учун жуда майда эканлигини билдиради».
Fолиблар қўрқувни тўғри йўлда эканликларининг ишончли белгиси сифатида қабул қилишади. Улар ўз қўрқувлари билан иттифоқ тузишган ва уни ўз ўсишларининг ҳаракатлантирувчи омили ҳисоблашади.
ФАЛОКАТЛАР
Fолиблар фалокатлардан беркинишмайди. Улар ўз ҳаётларида қайғули дақиқалар албатта бўлишини билишади. Бундан ҳеч ким қочиб қутилолган эмас. Шу боис, қуйидаги маслаҳатлардан фойдаланинг:
- Қандайдир даҳшатли воқеа рўй бермасдан азобланиш вақт ва энергияни беҳуда сарфлаш демакдир.
- Fолиблар ҳаётнинг қора кунларини яшаб ўтишда ўзларида куч ва ақл топилишини биладиган инсонлар.
- Фалокатлар — бу ҳаммасини бошдан бошлаш имконияти.
- Фалокатлар — ҳаётимизнинг муҳим таркибий қисми, гарчи уларни онгли равишда ахтариш мутлақо шарт бўлмаса-да. Рихард Бах шундай деган: “Ипак қурти учун ҳаётнинг охири бўлган нарса аслида капалакнинг туғилиш жараёнидир”.