Mundarij a

M U N D A R I J A

KIRISH

1. BOB. “OT” MAVZUSINI O’RGATISHDA YANGI PEDAGOGIK TEXNOLOGIYALARDAN FOYDALANISH ORQALI O’QUVCHILARNING BILISH FAOLLIGINI OSHIRISH

1. Ot” mavzusini o`rgatish metodikasi........................................................

2. Otlarning egalik qo`shimchalari bilan qo’llanishini o’rgatish................

2. BOB OTLARNING KELISHIK QO’SHIMCHALARI BILAN TURLANISHINI O’RGATISH

2.1. 4 - sinfda ot so`z turkumi ustida ishlash..................................................

2.2. “Ot” mavzusini o’rgatishda ta’limiy o’yinlardan foydalanish................

XULOSA

FOYDALANILGAN ADABIYOTLAR

KIRISH

Kurs ishining dolzarbligi - «O’zbekiston XXI asrga intilmoqda» asarida: «Milliy dasturning amalga oshirilishi jamiyatda mustaqil fikrlaydigan shaxsning shakllanishiga olib keladi. Bunday shaxslarning ko’payishi jamiyatda ongli yashash tizimini vujudga keltiradi. Odamlar olomon bolib yashashdan bosh tortadilar, har bir kishi o’z aqli, o’z mehnati, o’z xulosasi bilan yashay boshlaydi. Eng asosiysi bunday kishilarga chetdan hech qanday nopok kuch, buzuq g’oyalar, quruq shiorlar, chaqiriqlar bilan ta’sir etib bo’lmaydi. Bunday odamlarni o’z tanlagan yo’llari, maqsadlaridan hech qanday kuch toydira olmaydi. Aynan shu xislatlar milliy xavfsizlikning mustahkamlanishiga olib keladi», - deb ta’kidlagan edi. Hayotga ziyrak ko’z va yangicha fikrlar bilan qarovchi barkamol insonni shakllantirish, uning natijasi o’laroq izlanuvchan, ijodkor, mustaqil fikrlovchi, yuksak ma’naviyatli, kelajakda yurtimizni eng rivojlangan mamlakatlar safiga olib kiruvchi mutaxassislar tayyorlash bugungi kun pedagoglarining muhim vazifasidir.Shuning uchun ta’lim - tarbiya jarayonida o’quvchilarni ijodiy faolligini, izlanuvchanligini, e’tiqodini, qiziquvchanligini shakllantirish muhim ahamiyatga ega.
Hozirgi texnika juda rivojlangan bir davrda axborot almashuvi, ma’lumotlar qabul qilish tezligi oshib ketgan. Deyarli har bir xonadonda kompyuter va boshqa zamonaviy taxnikalar bo’lib, ular allaqachon oddiy rozg’or buyumlariga aylanib bo’lgan. Shunday ekan, biz uyida komp’yuter orqali internetdan ma’lumotlar olib kelgan o’quvchini oddiy ko’rsatmali qurol, yoki tarqatmalar bilan darsga jalb qila olmaymiz.O’qituvchi o’quvchidan albatta bir necha qadam ilgari yurishi kerak, demak, darslarni tashkil etishda shunday ta’limiy vositalar topish kerakki, u o’quvchini o’ziga jalb qilib olsin. Biz ana shu xususida o’z fikrlarimizni ushbu ishimizda yoritishga harakat qildik. O’quvchilarni bilim olishga qiziqishini oshirish, ta’lim-tarbiya jarayonida komil insonni voyaga etkazish uchun qo’llanilayotgan samarali yo’l, shakl, metodlarni tanlash yo’nalishiga modernizatsiyalash nuqtai nazaridan yondashish haqida fikr yuritdik.
Mavzuning dolzarbligi shundaki, boshlang`ich sinflarda “Ot” mavzusini o`rgatishning optimal yo`llarini izlab topish, dars jarayonida ta`limiy o`yinlarini qo`llash orqali “Ot” mavzusini tushuntirishning tez va oson yo`llarini ishlab chiqish.