Mumtoz sharq filologiyasi

KIRISH

Mavzuning dolzarbligi.Har bir jamiyatning rivojlanishida din institutining o’rni muhim o’rin tutishini olimlar e’tirof qilib kelganlar.Chunki dinning jamiyatda bajaradigan muhim vazifalari bor.Xususan har bir xalqning moddiy va madaniy hayotiga dining o’ziga xos ta’siri bor. AQShning Nyu-Gempshir (The University of New Hampshire) universiteti professori Mishel Dillon (Michele Dillon) din hodisasiga quyidagi ta’rifini berganligi alohida e’tiborlidir:

‘’Din bu zamonaviy Amerika va dunyoning boshqa mamlakatlarining ijtimoiy hayotini tushunishdagi tayanch konstruktsiyadir. Aksariyat amerikaliklarning kundalik hayotlarini tushunishda dinning turli sotsial jarayonlardagi rolini aniqlash sotsiologlar uchun qiziqish uyg’otadi’’.Shu fikrdagi ma’noni oladigan bo’lsak,qaysidir xalqni ijtimoiy hayotini o’rganish uchun shu xalqda mavjud bo’lgan din institutini o’rganishimiz lozim bo’ladi,shunda ko’plab ijtimoiy jihatlar oydinlashadi.O’rta Osiyo,xususan uning markazi bo’lgan O’zbekistonda asrlar osha mavjud bo’lgan Islom dinini organish orqali shu hududdagi ijtimoiy-madaniy hayotning rivojlanish omillari,jarayonlarini ilmiy tomondan aniqlay olishimiz mumkin bo’ladi.