Mumtoz asarlar tilini o’rganishda innovatsion metodlardan foydalanish

Dissertatsiyaning vazifasi. Yuqoridagi maqsaddan kelib chiqib, tadqiqot oldiga quyidagi vazifalar qo’yildi:

• 
  Sayyid Homid to’ra Komyobning hayot yo’li va ilmiy faoliyatini, davlat arbobi sifatidagi xizmatlarini yoritish;
  
• 
  Komyob asarlarining o’rganilish tarixini yoritish;
  
• 
  Komyob devonidagi ruboiy va tuyuqlarning mavzu doirasini aniqlash;
  
• 
  Komyob devonining barkamol avlod tarbiyasida tutgan o’rnini ochib berish;
  
• 
  Asardagi omonim so’zlarni aniqlash va ilmiy baho berish;
  
• 
  Asardagi sinonim so’zlarni aniqlash va ilmiy baho berish;
  
• 
  Devondagi omonim va sinonim so’zlarni hozirgi o’zbek tili nuqtai nazaridan yoritish;
  
• 
  Mavzuga oid bajarilgan tadqiqotlarni qiyosiy o’rganish va tegishli xulosalar chiqarish;
  

Tadqiqot ishining obyekti. Magistrlik dissertatsiyasi ishi obyekti 2018-yilda chop etilgan Komyob “Devon”⁶i hamda mavzuga oid maqola va asarlardan iborat.
Dissertatsiyaning predmeti. Komyob devonining lug’at tarkibida qo’llangan omonim va sinonim so’zlarni lingvistik nuqtai nazardan o’rganish orqali o’zbek adabiy tilining XIX asr oxiri – XX asr boshlaridagi o’ziga xos xususiyatlarini yoritish, asarni talabalarga o’qitishda innovatsion metodlardan unumli foydalanish bo’yicha izlanishlar olib borish tashkil etadi.

Tadqiqot metodlari. Dissertatsiyada qiyosiy-tarixiy, tavsifiy, interfaol metodlardan foydalanildi. Tadqiqot, asosan, sinxron, zarur bo’lgan o’rinlarda diaxron aspektda olib borildi.

Himoyaga olib chiqiladigan asosiy holatlar:

1. 
   Komyob devonining XIX asr oxiri - XX asr boshlridagi Xorazm adabiy tilining o’ziga xos xususiyatlarini aks ettirgan nodir manba ekanligi yoritiladi.
   
2. 
   Asarda qo’llangan omonim va sinonim so’zlarning hozirgi o’zbek tilida ishlatiladigan variantlari.
   
3. 
   Mavzu bilan tanishtirishda interfaol metodlardan oqilona va to’g’ri foydalana olish bo’yicha na’munalar keltirish.