Mumtoz asarlar tilini o’rganishda innovatsion metodlardan foydalanish

Muammoning o’rganilganlik darajasi. Komyob hayoti va ijodiy merosiga doir ba’zi fikrlar A.Samoylovich, P.Ivanov, H.Hofman, L.Dmitrieva, V.Abdullayev, M.Yunusov, B.Ahmedov va B.Abdullayeva tadqiqotlarida uchraydi.⁴
So’nggi yillarda Komyob hayoti va ijodi yuzasidan bir qator tadqiqot va nashrlar amalga oshirildi⁵. Jumladan, G. Ismoilovaning nomzodlik ishida shoir ijodiy merosi maxsus tadqiq qilinmagan bo’lsa ham, Komyob asarlari milliy istiqlol mafkurasi naqtai nazaridan ilmiy o’rganilishi zarurligi haqida so’z yuritilgan. D. Rahim, Sh.Matrasul, E.Madrahimov , S.Samandarova, Komil Avaz ishlarida ham shoir adabiy merosiga munosabat bildirilgan. D.Rahim va Sh.Matrasul Komyobning ajdodlari, ijodiy merosi manbalari yuzasidan qimmatli ma’lumotlarni keltirgan. R.Orzibekov va J.Jo’rayev tadqiqotlarida san’atkorning chiston va muammo janrida yaratgan she’rlari tahlil qilingan.
Laffasiy tazkirasida shoir shaxsi va she’riyatiga oid qiziqarli ma’lumotlar bor 2002-yili Komyobning 47 g’azalidan iborat saylanmasi B.Abdullayeva tomonidan so’zboshi bilan birga nashr qilindi. 2018-yilda ustoz J.Jo’rayev tomonidan Komyob devonini nashrga tayyorladi, 2019-yilda “Komyob hayoti va ijodiy merosi manbalari tadqiqi” monografiyasini e’lon qildi. Bu monografiyada Komyob hayoti va ijodiy merosi manbalari haqida batafsil ma’lumot berilib, asarlarining matniy-qiyosiy tadqiqi amalga oshirilgan, mavzu ko’lami va badiiyati haqida fikr yuritilgan.
Dissertatsiya mavzusining ilmiy-tadqiqot ishlarining rejalari bilan bog’liqligi. Dissertatsiya mavzusi Abdulla Qodiriy nomidagi Jizzax davlat pedagogika institutining “O’zbek tili” kafedrasining istiqbolli rejasi tarkibiga kiritilgan.

Dissertatsiyaning maqsadi: Tadqiqotda Komyob devonida qo’llangan omonim va sinonim so’zlarni aniqlash, ularning hozirgi o’zbek tilida ishlatilishiga doir umumiyliklar va farqliklarni yoritish, talabalarga mavzu yuzasidan bilim va ko’nikmalarni berish jarayonida interfaol metodlardan foydalanish bo’yicha na’munalar berish maqsad qilib olingan.