Mulk qiymatini baholash faoliyati tushunchasi va mazmuni, baholash faoliyati obyektlari va subyektlari Bank va baholash faoliyatining o‘zaro bog‘liqligi

O‘ZBEKISTON RESPUBLIKASI OLIY VA O‘RTA
MAXSUS TA’LIM VAZIRLIGI

TOSHKENT MOLIYA INSTITUTI

“Byudjet hisobi va g‘aznachilik” fakulteti

“Baholash ishi va investitsiyalar” kafedrasi

“BAHOLASH ISHI” TA’LIM YO‘NALISHI BO‘YICHA

ISHLAB CHIQARISH AMALIYOTI


H I S O B O T I


Bajardi: Otamirzayev J.
Rahbar: Ochilov B.
Toshkent 2021
Mundarija:

Kirish……………………………………………………………………………….3

1. 
   Mulk qiymatini baholash faoliyati tushunchasi va mazmuni, baholash faoliyati obyektlari va subyektlari. . Bank va baholash faoliyatining o‘zaro bog‘liqligi……...5
   
2. 
   Mulkni baholash maqsadlari va xususiyatlari……………………………….….11
   
3. 
   Baholash faoliyati jarayonida qo‘llaniladigan standartlar………………………17
   
4. 
   Baholash faoliyatini rivojlantirish istiqbollarini belgilovchi omillar va baholash faoliyatini bank faoliyatidagi rolini muvofiqlashtirish…………………………….20
   
5. 
   Kreditga garov ta’minoti uchun baholangan obyekt hisobotini tuzish jarayoni…24
   

Xulosa…………………………………………………………………………..…30
Foydalanilgan adabiyotlar ro‘yxati…………………………………………….….31


KIRISH
Mamlakatimizda bank kreditlari bo‘yicha garov ta’minotini baholash amaliyotini takomillashtirish, xususan, banklarning kredit ta’minotini baholashda ma’muriy yondashuvlarga barham berish va bu orqali baholash tashkilotlari o‘rtasida o‘zaro raqobatni kuchaytirish ustuvor masalalardan biridir.
Garov ta’minotini haqqoniy va oqilona baholash, kredit ta’minoti sifatida olingan mol-mulkni zarur hollarda sotish, bank kreditlari ta’minotiga qo‘yilgan garovni baholashda yuqori malakali va tajribali baholovchilarni jalb etish, bank kreditlari ta’minotini baholash bo‘yicha tashkiliy-huquqiy asoslarni takomillashtirish bilan bog‘liq muammolar tahlil etilmoqda.
O‘zbekiston Respublikasini 2017-2021 yillarda rivojlantirishning beshta ustuvor yo‘nalishi bo‘yicha “Harakatlar strategiyasi”¹ baholashning nazariy asoslarini o‘rganish orqali iqtisodiy mohiyatini ochib berish, bank kreditlari garovv ta’minotini baholashning xarajat, daromad va qiyosiy yondashuvlarda tahlil qilish vazifalari belgilab olindi.
Bugungi kunda texnologik uskunalar sotib olish uchun xorijiy valyutada ajratilayotgan kreditlar bo‘yicha garov ta’minoti sifatida uskunalarni qabul qilish bilan birga eksport operatsiyalari va shartnomalarini ham hisobga olish tartibi ishlab chiqilgan. Shuningdek, bank kreditlari bo‘yicha transport vositalari, mashina va uskunalar garov sifatida olinganida amortizatsiya muddatini hisobga olish orqali garov riskini kamaytirish yo‘llari belgilab berilgan.
Baholash tashkilotlari va baholovchilar faoliyatini tashkil etish, shuningdek, bank kreditlari garov ta’minotini baholashning xorij tajribasi shuni ko‘rsatmoqdaki, bank kreditlari bo‘yicha qo‘yilgan ko‘chmas va ko‘char mulklarni baholash tartibi boshqa xo‘jalik sub’yektlarining buyurtmalari uchun amalga oshiriladigan baholash jarayonidan deyarli farq qilmaydi.
Shu bilan birga talabalar uchun muddatli ishlab chiqarish amaliyoti ham joriy etilgan. Amaliyotning asosiy maqsadi talabalarning mutaxassislik bo‘yicha nazariy bilimlarini o‘zlashtirganligini va kasbiy tayyorgarlik darajasini belgilash hisoblanadi. Shu bois baholash bo‘yicha olgan nazariy bilimlarni amaliyot bilan uzviy bog‘lashda hamda amaliy ishlarini sifatli tayyorlashda amaliyotning o‘rni beqiyos.
Ishlab chiqarish amaliyotining maqsadini amalga oshirish uchun quyidagi vazifalar belgilanadi:
- baholash jarayonida bevosita ishtirok etish;
- baholovchi yordamchisi sifatida mustaqil ish bajarish va ko‘nikma hosil qilish;
- sohada olib borilayotgan islohotlar, o‘zgarishlar bilan tanishib, ularga qo‘shimcha ravishda zarur bo‘lsa takliflar berish;
- nazariy bilimlarni amaliy bilim va ko‘nikmalar orqali boyitish va kasbiy faoliyat bo‘yicha orttirilgan bilimlarni chuqurlashtirish;
- sohada faoliyat yuritishga oid ko‘nikmalarni shakllantirish;
- amaliyot o‘tashda zaruriy materiallarni to‘play olish, ulardan unumli foydalanish hamda tizimlashtirish;
- amaliyot o‘tash natijasida olingan moliyaviy-iqtisodiy ko‘rsatkichlarni tahlil qilish va omilli bog‘liqlikda xulosalar yasash;
- amaliyot o‘tash natijalari asosida hisobotni sifatli tayyorlash va unda aks etgan materiallarning mazmun-mohiyatini tushunib yetish.

1.