Muhokama qilinib o‘quv jarayoniga foydalanish uchun tavsiya qilingan

1.5. О‘zbekistonda tadbirkorlik faoliyatini rivojlantirish 
yо‘nalishlari 
О‗zbekistonda  ijtimoiy  yо‗naltirilgan  bozor  iqtisodiyotini  barpo  etishning  asosiy  maqsadlaridan  biri 
mamlakatda kichik biznes va xususiy tadbirkorlik shakllarini ustuvor rivojlantirishdan iborat. Bu maqsadni 
amalga  oshirish  uchun  iqtisodiy  islohotlar  о‗tkazildi,  uning  rolini  oshirish  uchun  yirik  institusional  asoslar 
yaratildi.  Tadbirkorlik  faoliyatini  tashkil  etish  va  uni  kafolatlov-chi  huquqiy-meyoriy  hujjatlar, 
tadbirkorlarga  kо‗maklashuvchi  nodav-lat  tashkilotlar,  korxonalar  shular  jumlasiga  kiradi.  О‗zbekistonda 
xususiy tadbirkorlik va kichik biznes korxonalari majmuini tashkil etish muvaffaqiyatli bormoqda.  
Kichik  biznes  faoliyati  bilan  shug‗ullanuvchi  korxonalar  davlatga  bog‗liq  bо‗lmagan  holda, 
ya‘ni  katta  kapital  mablag‗larsiz  о‗zlari  ish  joylarini  joriy  etishlari,  hozirgi  davrda  bizda 
vaqtinchalik  mavjud  bо‗lgan  tovarlar  tanqisligini  kamaytirish-lari  va,  hattoki,  bu  tanqislikni 
butunlay  yо‗qotishlari  mumkin.  Hozirgi  jamiyatimizda  kichik  korxonalar  faoliyatini  ayrim 
kishilarning  extiyojlarini  qondirish  sari  yо‗naltirish  zarur.  Bu  narsa  maishiy  xizmat  kо‗rsatish 
hamda  xalq  iste‘moli  tovarlari  ishlab  chiqarish  sohalarida  yaqqol  kо‗rinmoqda.  Kichik  korxonalar 
texnologiya yangiliklarini joriy etishda ham g‗oyat katta aha-miyatga ega. 
Bizning  respublikamizda  kichik  korxonalar  soni  va  ular  ishlab  chiqargan  mahsulotlar  hajmi 
yildan-yilga  oshib  bormoqda.  Kichik  korxonalar  О‗zbekistan  Respublikasining  «Korxonalar 
tо‗g‗risida»,  «Mulk  tо‗g‗risida»,  «Erkin  tadbirkorlik  faoliyati  kafolatlari  tо‗g‗risida»gi  kabi 
qonunlari,  Prezident  farmon-lari,  Vazirlar  Mahkamasining  qarorlari  va  boshqa  meyoriy  huj-jatlar 
asosida tashkil etilmoqda. 
Kichik  korxonalar  ilmiy-texnika  taraqqiyoti  sharoitida  sano-atning  yetakchi  sohalarini  yangi 
texnologiyalarga  о‗tishda  tobora  о‗z  о‗rnini  topib  bormoqda.  Ular  yangi  fikrlar  va  ishlab 
chiqarishni  takomillashtirish,  yangi  axborot  tex nologiyalarini  joriy  qilish  bilan  ish  jarayonini 
ta‘minlovchi butun tizimni asosiy bog‗lovchilik sifatini о‗zlarida namoyon  etmoqdalar. 
Bugungi  kunga  kelib,  kichik  biznes  va  xususiy  tadbirkorlik  subyekt lari  mamlakatimiz 
iqtisodiyotining  barcha  jabhalarida,  mashinasozlik  mahsulotlari  ishlab  chiqarishda,  xalq  is te‘moli 
mollarini, qishloq xо‗jaligi va oziq-ovqat mahsulotlarini ishlab chiqarishda hamda boshqa sohalarda 
faoliyat kо‗rsatmoqda. 
Kichik  korxonalar  ishlab  chiqargan  mahsulot  davlat  korxona-larida  ishlab  chiqarilgan 
mahsulotlardan  sifati  jihatidan  qolishmasligi  va,  hatto,  ayrim  hollarda  ulardan  yuqori  turishi  bilan 
ajralib  turadi.  Respublikamizdagi  kichik  biznes  va  xususiy  tadbirkorlik  subyektlari  faoliyatining 

---

 
22 
60-70 foizi bevosita ishlab chiqarish bilan uzviy bog‗langan, ular  fermerlar, dehqonlar, sanoatchilar 
va qishloq xо‗jaligi mahsulotlarini qayta ishlovchilar va hokazolardir. 
Xususiy  tadbirkorlik,  kichik  biznesni  jadal  rivojlan-tirish  asosida  mulkdorlar  sinfini 
shakllantirish,  tegishli  institutlar  tizimini  tashkil  etish,  kichik  va  xususiy  tadbirkor-lik  faoliyati 
sohasiga  kredit  resurslarini  keng  jalb  qilish  va  xorijiy  sarmoyalar  olib  kirish  uchun  maqbul  sharoit 
yaratish  maqsadida  О‗zbekiston  Respublikasi  Prezidentining  1998  yil  9  apreldagi  «Xususiy 
tadbirkorlik,  kichik  va  о‗rta  biznesni  rivoj-lantirishni  yanada  rag‗batlantirish  chora-tadbirlari 
tо‗g‗risida»gi Farmoniga о‗zgartirish va qо‗shimchalar kiritish haqida»gi О‗zbekiston Respublikasi 
Prezidentining 2003 yil 30 avgustda PF-3305-sonli Farmoni qabul qilindi. Mazkur Farmonga asosan 
«о‗rta  korxonalar»  tushunchasi  bekor  qilindi  va  2004  yil  1  yanvar-dan  boshlab  quyidagilar  kichik 
biznes subyektlari hisoblanadi: 
- 
yakka tartibdagi tadbirkorlar; 
- 
ishlab  chiqarish  tarmoqlarida  band  bо‗lgan  xodimlarning  о‗rtacha  yillik  soni  20  kishidan, 
xizmat kо‗rsatish sohasi va boshqa ishlab chiqarishga aloqador bо‗lmagan tarmoqlarda 10 kishidan, 
ulgurji, chakana savdo va umumiy ovqatlanish sohasida 5 kishidan oshmagan mikrofirmalar.  
Quyidagi tarmoqlarda band bо‗lgan xodimlarning о‗rtacha yillik soni: 
-  yengil  va  oziq-ovqat  sanoti,  metallga  ishlov  berish  va  asbobsozlik,  yog‗ochni  qayta 
ishlash va mebel sanoati hamda qurilish materiallari sanoatida  – 100 kishidan; 
-  mashinasozlik,  metallurgiya,  yoqilg‗i -energetika  va  kimyo  sanoati,  qishloq  xо‗jalik 
mahsulotlarini  ishlab  chiqarish  va  qayta  ishlash,  qurilish  va  boshqa  sanoat -ishlab  chiqarish 
sohalarida – 50 kishidan; 
-  fan,  ilmiy  xizmat  kо‗rsatish,  transport,  aloqa,  xizmat  kо‗rsatish  sohalari  (sug‗urta 
kompaniyalaridan  tashqari),  savdo  va  umumiy  ovqatlannish  hamda  boshqa  noishlab  chiqarish 
sohalarida – 25 kishidan oshmagan kichik korxonalar. 
Kichik  korxonalar  yirik  kompaniyalarga  nisbatan  ular  bozor  sharoitiga  tez  moslashadilar 
hamda  ishlab  chiqargan  mahsulot-larini  bozorda  muvaffaqiyatli  о‗tishini  ta‘minlashda  bir  qancha 
ustunliklarga  ega.  Chunki,  kichik  korxonalar  о‗z  faoliyatlarini  tor  ishlab  chiqarish  dasturlariga, 
ilg‗or  texnologiyaga,  kam  turkumli  ilm-fan  talab  qiladigan  mahsulotlar  chiqarishga  tezda 
moslay-dilar hamda bozor asoslarini tez о‗zlashtirib boradilar. 
Mulkchilik shakllariga kо‗ra kichik korxonalarning quyidagi turlarini ajratib kо‗rsatish mumkin: 
1.  Davlat mulkiga asoslangan kichik korxonalar. 
2.  Jamoa mulkiga asoslangan kichik korxonalar. 
3. Fuqarolarning mulkiga asoslangan yakka tartibda ishl ay-digan kichik korxonalar. 
4. Ijara korxonalari. 
5. Kichik qо‗shma korxonalar. 
2005  yilda  respublikada  tadbirkorlik,  uning  kichik  biznes  shakli  bilan  band  bо‗lgan 
korxonalar  soni  310  mingdan  oshdi.  Ularning  yalpi  ichki  mahculotdagi  ulushi  38,2  foizni  tashkil 
etadi. Tadbirkorlikni rivojlantirish hisobidan 459 mingta yangi ish о‗rinlari yaratildi. 
Kichik  biznes  korxonalari  faoliyatining  tahlili  ular  qishloq xо‗jaligi sohasida,  ayniqsa  jadal 
rivoj  topayotganligini  kо‗rsatadi.  2005  yilda  ular  soni  100  mingdan  oshib  ketdi.  Qishloq 
xо‗jaligidagi  ishlab  chiqaruvchilarning  asosiy  hissasini  fermer  xо‗jaliklari  tashkil  qiladi,  ularning 
soni 2000 yilga nisbatan 4 barobar oshdi. Bugungi kunda mamlakatimiz fermerlik xо‗jalik-larida 1 
milliondan  ziyod  kishi  band  bо‗lib,  2005  yilgi  paxta  xom-ashyosining  66  foizi,  g‗allaning  55 
foizdan ortig‗i fermer xо‗jaliklari tomonidan yetishtirildi
12
.  
Respublikamizda  kichik  biznes  korxonalari  sonining  izchil-lik  bilan  ortishi,  iqtisodiyotning 
barcha sektorlarida, jumla-dan, transport, aloqa, sog‗liqni saqlash va  boshqa  noishlab  chiqa-rish 
tarmoqlarida ham kuzatilmoqda. 
Kichik  biznes  va  xususiy  tadbirkorlik  tashqi  iqtisodiy  faoliyat  soha sida  ham  asta-sekin 
rivojlanmoqda.  Uning  umumiy  eksport  hajmidagi  ulushi  2005  yilda  7,3  foizni  tashkil  yetdi.  Kichik 
                                                 
12
 Karimov I.A. Erishilgan yutuќlarni mustaћkamlab, yangi marralar sari izchil ћarakat ќilishimiz lozim. Xalќ so‗zi gazetasi, 
2006 yil 11 fevral №29 (3828). 

---

 
23 
biznes  korxonalarining  asosiy  eksporti  –  qishloq  xо‗jaligi,  tо‗qimachilik,  ishlov  beruvchi, 
elektrotexnika ishlab chiqarish mahsulotlari hamda halq amaliy san‘ati buyumlaridir. 
Yuqoridagi  tahlillar  shuni  kо‗rsatadiki,  sо‗nggi  yillarda  О‗zbekiston  Respublikasida 
xususiy  tadbirkorlik,  kichik  biznes  faoliyati  bilan  shug‗ullanuvchi  korxonalar  iqtisodiyotning 
barcha  tarmoqlarida  tashkil  etilmoqda.  Shu  bilan  kichik  korxonalarning  iqtisodiyotdagi  о‗rni  va 
ahamiyati  ortib  bormoqda.  Xususiy  tad-birkorlik  va  kichik  biznesning  milliy  iqtisodiyotni 
rivojlanti-rishdagi ahamiyati quyidagilar bilan tavsiflanadi:  
-  xususiy  tadbirkorlik  bozor  iqtisodiyoti  sharoitida  zarur  tezkorlikni  ta‘minlab,  ishlab 
chiqarishdagi  chuqur  ixtisoslashuv  va  tarmoqlashgan  kooperatsiyani  yaratadi,  bularsiz  yuksak 
samaradorlikni ta‘minlab bо‗lmaydi; 
-  bozor uchun zarur bо‗lgan raqobatchilik muhitini yaratadi hamda о‗zgarib turadi gan bozor 
talabiga  moslab  tezda  ishlab  chiqarish  turini  о‗zgartirib  olish  qobiliyatiga  ega  yekanligi  bilan 
ajralib turadi; 
-  iste‘molchilik  sohasida  yuzaga  keladigan  bо‗shliqni  tezda  tо‗ldirishga  qodir  bо‗lib,  eng 
zamonaviy  mashina  uskunalari  va  texnologiyadan  foydalanib  sarflangan  sarmoyaning  о‗rnini 
juda tez qoplay oladi. 
Kichik  biznes  va  xususiy  tabdirkorlikning  xususiyatlari  (muomala  kapitalining  kichikligi, 
uning  tez  aylanuvchanligi,  ishlab  chiqarish  vositalarini  tezda  almashtirish  imkoniyatlari  va  b.) 
uning bir qancha afzalliklarga ega bо‗lishi imkoniyatlarini yaratadi: 
-  izlanish, yangi mahsulotlarni maromiga yetkazish va  о‗zlashtirish, ularni talabning tez 
о‗zgarib turishi xatarini hisobga olgan holda kichik uyushmalarda ishlab chiqarish; 
-  tezkor  texnik  servisning  ishonchliligi  va  iste‘mol chilar  bilan  mustahkam  aloqalar 
о‗rnatish; 
-  ishlab  chiqarishni  moslashuvchan  tarzda  tashkil  etish  va  mahsulot  sotishni  bozor 
talablariga hamda bozor vaziyatlari о‗zgarishlariga muvofiq olib borish; 
-  ortiqcha ish kuchini о‗ziga singdirish; 
-  boshqarishning  oddiyligi,  katta  ma‘muriy  apparat ning  yо‗qligi,  qurilish  va  loyiha 
quvvatlarini  о‗zlashtirishda  qisqa  muddat,  kapital  sarflarining  tez  о‗zini  oqlashi,  kapital 
aylanmasida yuqori tezlik; 
- 
xom ashyo va mehnat resurslari, ishlab chiqarish chiqindila-ridan tо‗liqroq va samaraliroq 
foydalanish. 
Kichik  biznes  va  xususiy  tadbirkorlikni  hamda  u  bilan  bog‗liq  barcha  narsalar  zamonaviy 
ijtimoiy ishlab chiqarish tashkiliy tuzilmasini muhim va tarkibiy qismini tashkil etadi. Shuning uchun 
ham davlatimiz iqtisodiyotini rivojlantirishda kichik biznes va xususiy tadbirkorlikka muhim о‗rin 
ajratilib, ularga davlat tomonidan madad berilmoqda. 
Xususiy  tadbirkorlik  va  kichik  biznes  ilmiy-texnika  rivo-jini  jadallashtirish,  sanoatning 
ilg‗or  tarmoqlarida  yangi  tex-nologiyalarga  о‗tish  sharoitida  о‗z  о‗rnini  topib  bormoqda.  Bunday 
tadbirkorlik 
yangi 
axborot 
texnologiyalarini, 
yangi  g‗oyalar  va  ishlab  chiqarishni 
modernizatsiyalash bilan ishlashni ta‘minlov-chi butun tizimning ajralmas qismini tashkil etadi. 
Bundan  tashqari, kichik korxonalar tavakkalchilik xavfi yuqori bо‗lgan sharo-itlarda  ishlab  chiqarishning 
ma‘qul shakllaridan hisoblanadi. 
Kichik  korxonalar  texnologiya  yangiliklarini  joriy  etishda  ham  g‗oyat  katta  ahamiyatga  ega. 
Yangi texnologik g‗oyalarni yirik korxonalarga nisbatan tezroq qabul qiladigan kichik biznesda xatar 
kamroq  va  katta  turkumdagi  ishlab  chiqarishga  qaraganda  ishni  tezroq  yо‗lga  qо‗yish  mumkin.  Bu 
esa bizning sharoitda ilmiy-texnik taraqqiyotni rivojlantirishga yordam berishi mumkin. 
Iqtisodiyotning umumiy taraqqiyotini ta‘minlashda, tovarlar  va  xizmatlar  yetishmovchiligini 
bartaraf  etishda  kichik  biznes  va  xususiy  tadbirkorlik  katta  о‗rin  tutadi.  Mehnat  resurslari  tez 
о‗sayotgan  va  ishlab  chiqarish  joylashuvidagi  о‗ziga  xoslik  sharoitlarida  О‗zbekistonda  kichik 
korxonalar tizimini vujudga keltirish quyidagi imkoniyatlarni yaratadi: 
- erkin mehnat resurslarining, yangi xо‗jalik munosabatlarining joriy etilishi, yangi mulkchilik 
shakllarining  paydo  bо‗lishi  natijasida  ishlab  chiqarishda  bо‗shatiladigan  shaxslarning  ijtimoiy 
ishlab chiqarishga kо‗proq jalb etish, mulkchilikning yangi shakllari paydo bо‗lishi; 

---

 
24 
- aholining, birinchi navbatda, yoshlarning, moddiy, ma‘naviy va kasb darajasini kо‗tarish;  
-  aholining  sust  harakatchanligini  hisobga  olgan  holda  sanoat  ishlab  chiqarishini  aholi 
yashaydigan joylarga yaqinlashtirish hamda aholining xalq iste‘moli mollariga bо‗lgan ehtiyojlarini 
tо‗laroq qondirish; 
-  milliy  va  badiiy  hunarmandchilikni  tiklash,  shuningdek,  kichik  va  о‗rta  shaharlarni, 
qishloq  aholi  punktlarini  rivoj-lantirishga  yordam  kо‗rsatish,  umuman,  har  bir  mintaqa  uchun 
g‗oyat muhim bо‗lgan iqtisodiyot samaradorligini oshirish. 
Iqtisodiyotni  rivojlantirishda  kichik  biznes  va  xususiy  tadbirkorlikning  ijobiy  ahamiyatini 
e‘tirof etgan holda, uning ahamiyatini ortiqcha baholab yuborish ham tо‗g‗ri emas. Xususiy tadbirkorlik 
faqat  muayyan  doiradagina  faollik  kо‗rsata  oladi,  shu  sababli  kichik  biznes  faoliyatini 
rivojlantirish  uchun  kerakli  sharoitni  yaratish  zarur.  Buning  uchun  bizningcha,  moliya  jamg‗ar -
malarini  tashkil  etish  kerak.  Bu  jamg‗armalar  tadbirkorlar  tijorat  banklarida  imtiyozli  kreditlar 
olish  uchun  kafil  bо‗lishlari,  subsidiyalarga,  shu  jumladan  qaytarib  berilmaydigan  subsidiyalarga 
(iqtisodiyotning  alohida  ustuvor  sohalaridagi  korxonalarni  rivojlantirish  uchun)  manba  bо‗lib 
xizmat qilishlari lozim. 
О‗zbekistonda 
kichik 
korxonalarni 
moliyaviy 
qо‗llab-quvvatlash 
tizimining 
takomillashtirilishi  kichik  biznes  va  xususiy  tadbirkorlikka  xizmat  kо‗rsatadigan  banklar,  fondlar, 
investiiyalar  va  sug‗urta  tashkilotlarining  faoliyatlarini  rag‗batlantirish  yо‗nalishida  olib 
borilishi  lozim.  Xorijiy  mamlakatlardagi  kabi  О‗zbekiston  Respublikasida  ham  agar  korxona 
ustuvor  davlat  dasturida  (yangi  texnikani  yaratish,  uzoq  hududlarni  rivojlantirish  va  boshqalar) 
qatnashayotgan  bо‗lsa,  imtiyozli  qarzlar  olishi  mumkin.  Bunda  foizning  eng  kam  meyori  va  qarzni 
uzishda uzoq muddat berilishi – qarz berishdagi asosiy shartlardandir. 
Kichik korxonalar faoliyatiga oldindan kо‗rib  bо‗lmaydigan xilma-xil xatarli vaziyatlar katta 
ta‘sir  kо‗rsatadi,  konyunk-turaning  keskin  о‗zgarib  ketishi,  mijozlarning  tо‗lovga  qodir  bо‗lmay 
qolishi,  tabiiy  ofatlar  ularni  tang  ahvolga  tushirib  qо‗yadi.  Shu  sababli  rivojlangan  mamlakatlarda 
sug‗urtalar tizimi yaxshi yо‗lga qо‗yilgan. Bizning mamlakatimizda ham sug‗urtalar barpo etilishi zarur. Bu 
tizim  kichik  korxonalarni  rivojlantirishda  (ayniqsa,  tijorat  xatarlari  katta  bо‗lgan  sohalarda)  qulay 
sharoitlarni  kafolatlashi,  о‗ziniki  bо‗lgan  yoki  qarz  olingan  kapital  bilan  tavakkal  qilib  ish  boshlagan 
tadbirkorlarga ishonch va zarur barqarorlikni yaratishi kerak. 
Iqtisodiy  islohotlarni  chuqurlashtirish,  kichik  biznes  va  xusu-siy  tadbirkorlikni  rivojlantirish 
respublikamizda  о‗tkazilayotgan  iqtisodiy  islohotlarning  asosiy  yо‗nalishlaridan  biri  bо‗lib  hisoblanadi.  Bu 
esa  iqtisodiy  raqobatning  rivojlanishini,  iste‘mol  bozorini  tovarlar  va  xizmat  turlari  bilan  tо‗ldirishni, 
shuningdek,  xususiy  tadbirkorlarning  keng  qatlamini  yaratishni  taqozo  etadi.  Bularni  hisobga  olib, 
bugungi kunda Respublikada quyidagi masalalarni hal qilish lozim: 
-  aholining  keng  tabaqalarini  bozor  faoliyatiga  olib  kirish,  ulardagi  boqimandachilik, 
iste‘molchilik psixologiyasini bartaraf qilish, aholida xususiy tadbirkorlik, kichik biznes faoliyati bilan 
faol shug‗ullanish istagini uyg‗otish; 
- qishloq xо‗jaligidagi iqtisodiy munosabatlarni tubdan yangilash, dehqon va fermer xо‗jaliklar faoliyatini 
yanada  rivojlantirish  hamda  ular  sonini  imkon  qadar  oshirish,  hududlarda  kichik  korxonalar  tashkil 
etish yо‗li bilan vaqtincha ishsiz yurgan kishilarni qо‗shimcha ish joylari bilan ta‘minlash; 
-  mintaqada  bozor  munosabatlari  va  infratuzilmani  jadal-lashtirish,  iqtisodiy  raqobatni 
rivojlantirish uchun shart-sharoitlar yaratish; 
-  respublika  aholisining  ortib  borayotgan  talab  va  ehtiyoj-larini  tо‗laroq  qondirishga  xizmat 
qiluvchi iqtisodiy va ijtimoiy sharoitlarni barpo etish; 
- kо‗rsatiladigan xizmatlar turini va miqyosini keskin oshirish, bank, auditorlik, konsalting hamda turli 
vositachilik faoliyat-larini hozirgi zamon fan va texnikasi yutuqlari asosida yuksak saviyada tashkil etishni 
ta‘minlash; 
-  korxonalarni  boshqarish  samaradorligini  oshirish,  ularning  iqtisodiy  jihatdan  mustaqil 
bо‗lishlarini ta‘minlash uchun shart-sharoitlar yaratib berish; 
- joylarda ishlab chiqariladigan mahsulotlar turlari va hajmini bozor talablariga kо‗ra osonlik bilan 
moslashtira  oladigan  iste‘mol  bozorini  tovar  bilan  tо‗ldirib,  eksport  uchun  mol  chiqara  oladigan  kichik 
korxonalarni joriy qilish. 

---

 
25 
Ma‘lumki,  respublikada  mehnatga  layoqatli  aholining  65,3  foizi  qishloqlarda  yashaydi.  Bu  qishloq 
joylarda tadbirkorlikning rivoji uchun juda katta imkoniyatlar mavjudligini kо‗rsatadi. Shu bilan bir qatorda, 
qishloq xо‗jaligi ishlab chiqarishida band bо‗lgan ortiqcha ishchi kuchlarini xizmat kо‗rsatish, qayta ishlash va 
shu  kabi  yо‗nalishlarga  qayta  taqsimlash  kerak.  Qishloqda  tadbirkorlikni,  uning  kichik  biznes  shakllarini 
rivojlantirish  bilan  bog‗liq  turli  boshqaruv  pog‗onalarida  tashkiliy-iqtisodiy  masalalarni  hal  etish  ustuvor 
masalalar qatoriga kiradi.  
Bu maqsadlarni amalga oshirish uchun mamlakatimiz miqyosida  quyidagi masalalarni hal qilish lozim: 
- bozor iqtisodiyoti sharoitida ishlash uchun kadrlar tayyorlash va ularning malakasini oshirish; 
- hududlarda haqiqiy tadbirkorlik muhitini yaratish; 
- kichik biznes va xususiy tadbirkorlikni moliyaviy jihatdan qо‗llab-quvvatlash; 
- kichik biznes va tadbirkorlikning huquqiy bazasini mustahkamlash; 
-  kichik  biznes  va  xususiy  tadbirkorlikni  texnologik  jihoz-lar  bilan  ta‘minlashni  qо‗llab-
quvvatlash; 
- islohotlar natijalarini reklama va axborot xizmati vosita-lari orqali keng ommaga yetkazish. 
Tadbirkorlik faoliyati rivojlanishida soliq va  savdo sohala-ridagi davlat siyosati muhim rol о‗ynaydi. 
Tadqiqotlarning  kо‗rsati-shicha  shu  sohadagi  cheklovlar  kichik  biznes  rivojidagi  aksariyat  muammolarni 
yuzaga  kelishiga  sabab  bо‗ladi.  Sо‗rov  о‗tkazilgan  tad-birkorlarning  75  foizi  moliya-kredit  tizimini 
takomillashti-rishni,  52,5  foiz  soliqni,  69  foizi  moddiy-texnika  resurslari  bilan  savdo  qilishni  yaxshilash 
lozimligi tо‗g‗risida fikr bildirganlar. Shuning uchun islohotlarning hozirgi bosqichida bu sohalarda tadbirkorlikka 
tо‗siq  bо‗layotgan  omillarni  tahlil  qilish  va  ularni  bozor  talablari  doirasida  baholash  muhim ahamiyatga 
egadir.