Muhandislik tehnika fakulteti

2.3.Mavzuning uslubiy va texnik ta`minoti

Bo’laklarni yuvish va tozalash mavzusini dars materiali hozirgi kunda J.R.Qulmuxamedov, E.Karimov, H.H.Muhamedov, A.A.Oxunov, T.A.Doshikenovlar tomonidan chop ettirilgan “Avtochilangarlik” va Y.I.Boroviskix va boshqalar “Avtomobillarning tuzilishi texnik xizmat ko’rsatish va ta’mirlash” o`quv qo`llanmalarida mavjud, lekin bu adabiyotda o`zimizda va chet ellarda ishlab chiqarilgan avtomobillar, ularni tuzilishi, texnik xizmat ko’rsatish, ta’mirlash ishlari berilmagan.

Bundan tashqari hozirgi kunda foydalanilayotgan adabiyotlar asosan rus tilida nashr etilgan. Ularda asosan sobiq ittifoq davrida ishlab chiqarilgan avtomobillar va ularni o`sha davrdagi avtomobillarga texnik xizmat ko’rsatish va ta’mirlash haqida ma`lumotlar berilgan. Bu adabiyotlar bilan kasb-hunar kollejlari to`la ta`minlanmagan. Shu sababli dasturda keltirilgan mavzuni mazmuni va tarkibidan kelib chiqqan holda quyidagi adabiyotlardan foydalanish mumkin:

1. J.R.Qulmuxamedov va boshqalar Avtochilangarlik Kasb-hunar kollejlari uchun o’quv qo`llanma. Toshkent.: Fan 2003.

2. Y.I.Boroviskix va boshqalar Avtomobillarning tuzilishi texnik xizmat ko’rsatish va ta’mirlash Toshkent.: Talqin 2003.

Yuqorida keltirilgan adabiyotlarni birinchisi «Avtochilangarlik», bu adabiyotda avtomobil tuzilishi, texnik xizmat ko’rsatish va ta’mirlashdan iborat bo’lib avtomobil transporti va avtomobilsozlik yo’nalishlari uchun mo’ljallangan. Biroq, o’zimizda ishlab chiqarilgan avtomobillarni tuzilishi, texnik xizmat ko’rsatish va ularni ta’mirlashlari haqida ma`lumotlar berilmagan, lekin bu adabiyotda sobiq ittifoq davrida ishlab chiqarilgan avtomobillarga texnik xizmat ko’rsatish va ta’mirlash ishlari xaqida ma’lumotlar keltirilgan.

Bo’laklarni yuvish va tozalash mavzusi bo`yicha darslik va o`quv qo`llanmalar etarli bo`lgan sharoitlarda ularni o`qitishda bir qator muammolar kelib chiqmoqda. Prezidentimiz va davlatimiz rahbarlari tomonidan aytilganidek, jahon andozalariga mos keladigan kadrlar etishtirish uchun o`quv jarayonlarini ko`rib chiqish va o`qitish jarayonida yangi o`qitish vositalari va texnologiyalarini qo`llash maqsadga muvofiq bo`ladi.