Muhandislik grafikasi

1.13-shakl 1.14-shakl
Agar to‘g‘ri chiziq frontal proeksiyalar tekisligiga parallel bo‘lsa, bunday to‘g‘ri chiziqni frontal to‘g‘ri chiziq deyiladi (1.14-shakl). Frontal to‘g‘ri chiziqning gorizontal A₁B₁ proeksiyasi Ox o‘qiga, A₃B₃ profil proeksiyasi Oz o‘qiga parallel bo‘ladi. Frontal to‘g‘ri chiziqning A₂B₂ frontal proeksiyasi uning haqiqiy kattaligiga teng bo‘ladi.  burchak AB to‘g‘ri chiziqning gorizontal proeksiyalar tekisligi bilan,  burchak esa profil proeksiyalar tekisligi bilan hosil qilgan burchagi bo‘ladi.




1.15-shakl

To‘g‘ri chiziq profil proeksiyalar tekisligiga parallel bo‘lsa, bunday to‘g‘ri chiziqni profil to‘g‘ri chiziq deyiladi (1.15-shakl).

Profil to‘g‘ri chiziqning gorizontal va frontal proeksiyalari tegishli proeksiya o‘qlariga parallel bo‘ladi, profil proeksiyasi esa uning haqiqiy kattaligiga teng bo‘ladi.  burchak AB to‘g‘ri chiziqning gorizontal proeksiyalar tekisligi bilan,  burchak AB to‘g‘ri chiziqning frontal proeksiyalar tekisligi bilan hosil qilgan burchagi bo‘ladi.

Agar to‘g‘ri chiziq proeksiya tekisliklaridan biriga perpendikulyar bo‘lsa, bunday to‘g‘ri chiziqlarni proeksiyalovchi to‘g‘ri chiziqlar deyiladi. Proeksiyalovchi to‘g‘ri chiziqlar unga perpendikulyar proeksiya tekisliklariga nuqta ko‘rinishida proeksiyalanadi.

1.16,a-shaklda gorizontal proeksiyalovchi, 1.16,b-shaklda frontal proeksiyalovchi va 1.16,v-shaklda profilga proeksiyalovchi to‘g‘ri chiziqlarning epyurlari ko‘rsatilgan.

a) b) v)

1.16-shakl