Muhandislik grafikasi

a) b)

2.1-shakl
Quyidagi misollarda tajribada ko‘p uchraydigan to‘rtta masalani ko‘rib chiqiladi.

Umumiy vaziyatdagi to‘g‘ri chiziq kesmasining haqiqiy uzunligini proeksiya tekisliklarini almashtirish usuli bilan aniqlash 2.2-shaklda ko‘rsatilgan.

Buning uchun П₂ frontal proeksiyalar tekisligi berilgan AB kesmaga parallel bo‘lgan yangi П₄ tekislik) bilan almashtiriladi. Bunda П­₁ gorizontal proeksiyalar tekisligi bilan yangi П₄ tekislik hosil qilgan x₁₄ proeksiyalar o‘qi AB to‘g‘ri chiziqning A₁B₁ gorizontal proeksiyasiga parallel bo‘ladi (A₁B₁||x₁₄).

A₂ va B₂ nuqtalardan x₁₂ o‘qigacha bo‘lgan masofalar mos ravishda x₁₄ o‘qidan o‘lchab qo‘yilganda yangi П₄ proeksiyalar tekisligida A₄B₄ aniqlanadi. A₄B₄ berilgan kesmaning haqiqiy uzunligiga teng bo‘ladi. Undan tashqari, A₄B₄ kesma bilan x₁₄ o‘q orasidagi  burchak AB kesmaning П₁ gorizontal proeksiyalar tekisligiga nisbatan qiyalik burchagini bildiradi.




2.2-shakl.

Umumiy vaziyatdagi to‘g‘ri chiziq kesmasini proeksiyalovchi vaziyatga keltirish. 2.2-shaklda AB to‘g‘ri chiziq kesmasining proeksiyasi birinchi marta yangi proeksiya tekisliklari sistemasidagi П₄ proeksiyalar tekisligiga parallel vaziyatga keltirilgan. AB to‘g‘ri chiziq kesmasini unga perpendikulyar bo‘lgan (A₄B₄x₄₅) П₅ proeksiyalar tekisligidagi proeksiyasi (A₅B₅) nuqta bo‘ladi.