Muhammad ibn Muso Xorazmiy (780-847). Muhammad Xorazmiy ijodi asosan islom dinigacha bo‘lgan xorazm faniga va qo‘shni mamlakatlar, Hindiston va Yaqin sharq mamlakatlarining ilmiy fikrlariga asoslangan

Turli xalqlarda matematik ishoralar va nomlar.

Arifmetika ishoralari Evropa madaniyati xalqlarining hammasida bir xil, ular ma'lum darajada internatsionallashgan ishoralar deb o`ylash odat bo`lib qolgan. Bu fikr barcha ishoralar uchun emas, balki ularning ko`pchiligi uchun to`g`ridir. + va – ishoralari, × va : ishoralarni nemislar ham, inglizlar ham, frantsuzlar ham bir xil ma'noda qo`llanadilar. Biroq nuqtani ko`paytirish ishorasi sifatida hamma xalqlar bir xilda ishlatadi, deb bo`lmaydi. Sonlarni sinflarga ajratishda ham bir xillik yo`q. Ba'zi mamlakatlarda sinflarga nuqtalar qo`yib (15.000.000), boshqa mamlakatlarda vergullar qo`yib sinflarga (15,000,000) ajratiladi. Bizda esa eng maqbul shakl rasm bo`lib kelgan- sinflar orasiga hech qanday ishora qo`yilmaydi; faqat bir oz ochiq joy qoldiriladi (15 000 000).

Bir tildan ikkinchi tilga tarjimada, bir soning o`ziga nom berish usuli qanday o`zgarishini kuzatish ancha qiziqarlidir. Masalan, 18 sonini olaylik. Biz uni «o`n sakkiz» deb ataymiz, ya'ni avval o`nlikni, so`ngra birlikni talaffuz etamiz. Frantsuzlar ham xuddi shu tartibda10-8, ya'ni (dix-huit) deb talaffuz qilishadi. Biroq ruslar -«vosemnadtsat» deb, ya'ni avval birlikni. So`ngra o`nlikni talaffuz etadilar. Nemislar ham 18 sonini xudi shu tartibda: achtzehn, ya'ni 8-10 deb aytadilar. Bitta soning o`ziga, ya'ni 18ga nom berish usullari turli xalqlarda xilma-xil ekanligini quyidagi jadvalda ko’raylik:

O`zbekcha ......... 10•8; Frantsuzcha ......... 10•8; armancha ……..10+8 ruscha........8•10 ; nemischa …….….8•10 ; grekcha …..8+10; lotincha………….2 kam 20; valliytscha ………3+5•10 ; aynoscha 10 ustiga 10-2; koryatscha ……….. 10 ustiga 3-5

Grelandiya qabilalarining birida 18 sonining nomi juda ajoyib; «ikkinchi oyoqdan 3». Bu qanchalik odatdan tashqarii nom bo`lmasin, u qul va oyoq barmoqlariga asoslangan sanash usuli, deb tushuntirish tabiiydir.