Muhammad al-xorazmiy nomidagi toshkent axborot texnologiyalari universiteti m. A. Raxmatullayev, B. I. Ganiyeva

1-laboratoriya ishi

MAVZU: MASHHUR ELEKTRON ILMIY-TA’LIMIY RESURSLAR VEB-SAYTLARINING TAHLILI

Laboratoriya ishining maqsadi: yetakchi mamlakatlardagi elektron ilmiy-ta’limiy resurslarni ta’minlovchi mashhur ilmiy va axborot markazlari veb-saytlarini tahlil qilish.

Laboratoriya ishini tashkil qilish vositalari: shaxsiy kompyuter, Internet.

Laboratoriya ishinining qisqacha mazmuni: ma’ruza mashg‘ulotlarida o‘zlashtirilgan bilimlar asosida talabalar jahon axborot resuslari veb-saytlarini turli me’zonlar (axborot ko‘lami, interfeys qulayligi) bo‘yicha tahlil qiladi. Bunday veb-saytlar, asosan ilmiy izlanuvchilar, o‘qituvchilar va talabalarga ilmiy-axborot xizmatini ko‘rsatuvchi oliy ta’lim, ilmiy-tadqiqot markazlari va tijorat tashkilotlariga tegishli. Ularning qidiruv imkoniyatlari, axborotni taqdim etish va uzatishda xalqaro standartlarga amal qilinganligi ham tadqiq qilinadi. Shu bilan birga, bunday saytlardan axborot-kutubxona va o‘quv muassasalarida foydalanish bo‘yicha talabalar o‘zlarining xulosalarini beradilar.