Мухаммад ал-хоразмий номидаги тошкент ахборот технологиялари университети

магистратура мутахассисликларига кирувчилар учун махсус
(ихтисослик) фанларидан
Д А С Т У Р


Аннотация

Дастур 5А350501-Почта хизматини ташкил этиш ва технологияси магистратура мутахассислигига кирувчилар учун 5350500 -Почта алока технологияси таълим йўналишининг 2016/2017 ўқув йилида тасдиқланган ўқув режасидаги асосий фанлар асосида тузилган.

ТУЗУВЧИЛАР:
Г.Назарова - ТАТУ, “Почта алоқаси технологиялари” кафедраси мудири, т.ф.н., доцент;
Г. Абдулазизова - ТАТУ “ “UNICON.UZ” – Фан-техника ва маркетинг тадқиқотлари маркази давлат унитар корхонаси Иқтисодиёт ва почта алоқаси илмий-тадқиқот департаменти Телекоммуникация технологиялари ва почта алоқаси илмий-тадқиқот бўлими бошлиғи

Дастур АКТ соҳасида иқтисодиёт ва менежмент факультетининг 2020 йил 17 июндаги №10-сонли Кенгаши йиғилишида мухокама қилинган ва тасдиқлашга тавсия этилган.

Кириш
Ахборот-коммуникация технологиялари соҳасида почта алоқасини ташкил этиш ва технологияси мутахассислигида таҳсил олишдан асосий мақсад талабаларга ахборот-коммуникация технологиялари соҳасида почта алоқасини ташкил этиш ва технологиясини чуқур, илмий жиҳатдан мукаммал ва юқори даражада ўргатиш асосида уларнинг етук ва юқори малакали мутахассис бўлишлари ҳамда олинган билимлари асосида ўқитиш ва илмий изланишларни давом эттиришларини таъминлаш ҳисобланади.
Фан вазифалари, тарихи, замонавий ҳолати, ёрқин йўналишлари: Почта алоқасини ташкил этиш ва технологиясида амалий масалаларини ечиш учун янги усул ва услубларни қўллаш, илмий-иқтисодий ҳисоботлар ва тушунтириш хатларини ишлаб чиқиш, ўтказилаётган тадқиқотлар мавзуси бўйича илмий шарҳларни ишлаб чиқиш, рефератлар ва библиографияларни тузиши, ишлаб чиқариш лойиҳаларни бошқариш, ишлаб чиқариш жараёнлари ва ресурсларини режалаштириш, бўлиши мумкин бўлган хавф-хатарларни таҳлил қилиш, лойиҳа гуруҳини бошқариш, замонавий ахборот технологиялари тизимини яратиш ва уларнинг эксплуатацияси билан боғлиқ бўлган ишлаб чиқариш жараёнлари мониторинги ва сифатини баҳолаш усуллари ва механизмларини ишлаб чиқиш, почта алоқасини ташкил этиш ва технологиясини ривожлантириш бўйича қисқа муддатли башоратлар ишлаб чиқиш, мутахассислик бўйича бошқарув тизимлари соҳасида мавжуд ҳолатни таҳлил қилиш.